2018 جىلدىڭ 12-13 اقپانىندا دۋشانبە قالاسىندا ق ر ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتىنىڭ وكىلى ەكونوميكالىق ىنتىماقتاستىق جونىندەگى قازاقستان-تاجىكستان ۇكىمەتارالىق كوميسسياسىنىڭ 14ء-شى وتىرىسىنا قاتىستى، دەپ جازادى Qamshy.kz اقپارات اگەنتتىگى. .

وتىرىسقا ەكى مەملەكەتتىڭ ءتيىستى مينيسترلىكتەر مەن ۆەدومستۆولارىنىڭ، ۇلتتىق كومپانيالارىنىڭ وكىلدەرى، سونداي-اق ەكى ەلدىڭ ءتيىستى ۇيىمدارىنان شاقىرىلعان وكىلدەرىدە قاتىستى.

ساراپتامالىق جانە پلەنارلىق وتىرىس بارىسىندا تاراپتار ءوزارا ساۋدا-ساتتىقتىڭ كولەمى مەن اعىمداعى جاعدايىن، سونداي-اق ەنەرگەتيكا، دەنساۋلىق ساقتاۋ، ءبىلىم بەرۋ، مادەنيەت، ءدىن، كوشى-قون جانە اۋىل شارۋاشىلىق سالاسىنداعى ەكى جاقتى ىنتىماقتاستىقتى ودان ءارى دامىتۋ ماسەلەلەرىن تالقىلادى.

وتىرىستىڭ قورىتىندىسى بويىنشا قازاقستان-تاجىكستان ىنتىماقتاستىعىنىڭ ءوزارا ارەكەتتەستىك باعىتتارى مەن قول جەتكىزىلگەن كەلىسىمدەر كورسەتىلگەن حاتتاماعا قول قويىلدى.