«ناۋرىزناما» ونكۇندىگىنە سايكەس 20 ناۋرىز – ۇلتتىق سپورت كۇنى. ءداستۇرلى قۇندىلىقتارىمىزدىڭ ءبىرى جانە بىرەگەيى – ۇلتتىق سپورت ويىندارى. كوشپەلى قازاق حالقىنىڭ ءداستۇرلى ۇلتتىق سپورت تۇرلەرىنىڭ قورجىنىندا 150-گە جۋىق ويىندار بار.

بۇگىن اتاۋلى كۇنگە وراي، ءال-فارابي اتىنداعى قازۇۋ https://farabi.university/، جوو-عا دەيىنگى ءبىلىم بەرۋ فاكۋلتەتى، جوعارى وقۋ ورنىنا دەيىنگى دايىندىق كافەدراسىنىڭ ءار ەلدەن كەلگەن قانداس تىڭداۋشىلارىنىڭ اراسىندا «ۇلتتىق ويىن – حالىق مۇراسى» اتتى ۇلتتىق ويىندار سايىسى وتكىزىلىپ، قازاق حالقىنىڭ عاسىرلار بويى قالىپتاسقان قۇندىلىقتارى ناسيحاتتالدى.

ءححى  عاسىر – بىلىمدىلەر عاسىرى. بۇگىنگى تاڭدا زامانىمىزعا ساي زەردەلى، ءوي-ورىسى جوعارى، جان-جاقتى دامىعان ۇرپاق قالىپتاستىرۋ – مەملەكەتىمىزدىڭ العا قويعان اسا ماڭىزدى مىندەتى. جاستاردىڭ دەنساۋلىعىنىڭ مىقتى بولۋى سپورتپەن شۇعىلدانۋدان قالىپتاسادى. بۇل ورايدا ءبىز ۇلتتىق ويىندارعا ۇلكەن كوڭىل ءبولىپ وتىرمىزدىڭ باستى سەبەبى دە بۇگىنگى كۇننىڭ ۇيىتقىسى بولىپ وتىرعان ۇلتتىق ويىندار ارقىلى جاس ۇرپاققا بىلىممەن قاتار دەنساۋلىققا كوڭىل ءبولۋ ماقساتىندا ۇلتتىق ويىندار ءىس-شاراسىن وتكىزىپ وتىرمىز.

ۇلتتىق ويىندار – ەرتە زاماننان قالىپتاسقان ءداستۇرلى ويىن-ساۋىقتاردىڭ ءبىر ءتۇرى. ونىڭ باستاۋى تىم تەرەڭدە، عاسىرلار قويناۋىندا جاتىر. وسى ويىندار نەگىزىندە ءار حالىق ءارتۇرلى جاتتىعۋلار جاساۋ جولىمەن دەنە- شىنىقتىرۋ ءىسىنىڭ نەگىزىن سالدى. بۇل بەرتىن كەلە شىنايى سپورت ويىندارىنىڭ شىعۋىنا تۇرتكى بولدى. ونىڭ ادام دەنساۋلىعىن جاقسارتا تۇسۋدە پايداسى زور ەكەنى بەلگىلى. قازاقتىڭ ۇلتتىق ويىندارى – بابالارىمىزدان قالعان اسىل قازىنا. سوندىقتان حالىقتىق مۇرانى ۇيرەنۋدىڭ ءارى كۇندەلىكتى تۇرمىسقا پايدالانۋدىڭ زامانىمىزعا ساي ۇرپاق تاربيەلەۋدە وراسان پايداسى تيمەك.

قازاقتىڭ ۇلتتىق سپورتى – رۋح پەن نامىستى قايراپ، بويداعى قۋاتتى شىڭدايدى.

ۇلتتىق سپورت تەك سايىس پەن جارىس ەمەس، وندا كوشپەلى تۇرمىستىڭ رۋحى بار. سالاۋاتتى ءومىر سالتىن قالىپتاستىرۋعا سپورتتىڭ ماڭىزى زور. سپورتتىڭ قاي ءتۇرىن الساق تا، بارلىعى دەنساۋلىققا پايدالى.

وسى ورايدا ايتۋلى مەرەكەنى ءبىلىم ورداسى ءال-فارابي اتىنداعى قازۇۋ https://farabi.university/، جوو-عا دەيىنگى ءبىلىم بەرۋ فاكۋلتەتى، جوعارى وقۋ ورنىنا دەيىنگى دايىندىق كافەدراسىنىڭ ەدۆايزەر-كۋراتورلارى مەن تىڭداۋشىلار دا ءداستۇر ساباقتاستىعىن ءوربىتتى. تىڭداۋشىلار اسىق اتۋ، ارقان تارتىس، ساقينا سالۋ، بەس تاس، قول كۇرەس، گىر تاسىن كوتەرۋ جانە توعىزقۇمالاق ويىندارى ارقىلى جارىسىپ، باسەكەگە ءتۇستى.

ۇلتتىق سپورتتى ۇلىقتاۋعا ارنالعان بۇل كۇن جوو-عا دەيىنگى دايفندىق كافەدراسىنىڭ وپق مەن تىڭداۋشىلار اراسىندا مەرەكە سالتاناتىن ەرەكشە سەزىنۋگە سەپتىگىن تيگىزدى.

ءال-فارابي اتىنداعى قازاق ۇلتتىق ۋنيۆەرسيتەتىنىڭ

وقىتۋشىلارى مۋجيگوۆا گ.م.، تيلەۋجانوۆا گ.ت.، ساتكەنوۆا ج.ب.