قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ IV قۇرىلتايداعى سوزىندە ۇلتتىق تاريحتى جاڭا كوزقاراسپەن زەرتتەۋدىڭ ماڭىزدىلىعىنا ەرەكشە توقتالىپ، تاريحي ادىلەتتىلىكتى قالپىنا كەلتىرۋ، ارحيۆ دەرەكتەرىن تەرەڭ زەردەلەۋ جانە ۇلتتىق مۇرانى عىلىمي تۇرعىدان قايتا قاراستىرۋ قاجەتتىلىگىن اتاپ ءوتتى. بۇل – تاريح عىلىمى ءۇشىن جاڭا مىندەتتەردى ايقىندايتىن ماڭىزدى باعىت. قازىرگى تاڭدا وتاندىق تاريح عىلىمى جاڭا مەتودولوگيالىق تاسىلدەردى ەنگىزۋدى جانە كەشەندى زەرتتەۋلەر جۇرگىزۋدى تالاپ ەتەدى. اسىرەسە، حح عاسىرداعى ساياسي وزگەرىستەر، ۇلت-ازاتتىق قوزعالىستار، قازاق مەملەكەتتىلىگىنىڭ ەۆوليۋسياسى، قۇقىقتىق جۇيەنىڭ قالىپتاسۋى، سونداي-اق، ءداستۇرلى باسقارۋ ينستيتۋتتارىنىڭ وزگەرىسى سىندى تاقىرىپتار عىلىمي ورتادا تەرەڭ زەرتتەلۋى ءتيىس. مۇراعات قۇجاتتارىن سيفرلاندىرۋ، حالىقارالىق عىلىمي ىنتىماقتاستىقتى كەڭەيتۋ، تاريح عىلىمىن زاماناۋي تەحنولوگيالارمەن ۇشتاستىرۋ – وسى باعىتتاعى ماڭىزدى قادامدار. ءال-فارابي اتىنداعى قازۇۋ-دىڭ تاريحشى عالىمدارى پرەزيدەنتىمىزدىڭ ۇسىنىسىنا ساي عىلىمي-پراكتيكالىق جۇمىستار، شارالار ۇيىمداستىرۋدا. قازۇۋ (https://farabi.university) تاريحشى عالىمدارى مەملەكەت باسشىسىنىڭ بۇل باستامالارىن قولداي وتىرىپ، ۇلتتىق تاريحتى جاڭا كوزقاراسپەن زەرتتەۋ جاس ۇرپاقتىڭ تاريح جادى مەن وتانسۇيگىشتىك رۋحىن نىعايتىپ قانا قويماي، قازاقستاننىڭ تاۋەلسىزدىگىن بەكەمدەي تۇسۋگە دە ىقپال ەتەتىنىنە سەنىمدى.

         سونىمەن قاتار، قازاقستاننىڭ وتارلىق كەزەڭىن، قۋعىن-سۇرگىن جىلدارىن، ساياسي رەپرەسسيالاردى، اشارشىلىقتى جانە باسقا دا كۇردەلى تاريحي كەزەڭدەردى جان-جاقتى زەردەلەۋ مەملەكەتتىڭ وتكەنىنە شىنايى باعا بەرۋگە مۇمكىندىك بەرەدى. بۇل – بولاشاققا سەنىمدى قادام جاساۋ ءۇشىن قاجەت تاريحي ساباق. پرەزيدەنتتىڭ وسى ماسەلەلەردى كوتەرۋى – ۇلتتىق بىرەگەيلىكتى نىعايتىپ، تاريحي سانانى جاڭعىرتۋ جولىنداعى ماڭىزدى باستاما.

       ۇلتتىق تاريحتى جاڭا كوزقاراسپەن زەرتتەۋ جاس ۇرپاقتىڭ تاريحي جادى مەن وتانسۇيگىشتىك رۋحىن نىعايتىپ قانا قويماي، قازاقستاننىڭ تاۋەلسىزدىگىن بەكەمدەي تۇسۋگە دە ىقپال ەتەدى. ەلىمىزدىڭ وتكەنىن وبەكتيۆتى تۇردە زەردەلەۋ – مەملەكەتتىڭ دامۋ ستراتەگياسىنداعى باسىم باعىتتاردىڭ ءبىرى بولۋى ءتيىس.

        قازكسر  تاريحى كەڭەستىك كوممۋنيستىك يدەولوگيا شەڭبەرىندە جازىلدى، شىندىق بۇرمالاندى، تەك كەڭەستىك جۇيەگە ءتيىمدى اسپەكتى نەگىزىندە قاراستىرىلدى. سول سەبەپتى تاۋەلسىز قازاقستانىڭ  اقيقات تاريحى  الەمدىك تاريح عىلىمي كەڭىستىگىندەگى زەرتتەۋلەرگە جانە ەلىمىزگە قاتىستى تابىلعان شەتەلدىك عالىمداردىڭ تىڭ دەرەكتەرى مەن وتاندىق عالىمدار، مۇراعاتتارداعى ناقتى دەرەكتەرگە سۇيەنە وتىرىپ قايتا زەرتتەۋدى قاجەت ەتەدى.

 ەلىمىزدىڭ وتكەنىن وبەكتيۆتى تۇردە زەردەلەۋ – مەملەكەتتىڭ دامۋ ستراتەگياسىنداعى باسىم باعىتتاردىڭ ءبىرى بولۋى ءتيىس.

  جوو دەيىنگى دايىندىق كافەدراسىنىڭ اعا وقىتۋشىسى ايشا بەگالييەۆا

  جوو دەيىنگى دايىندىق كافەدراسىنىڭ  PHD، اعا وقىتۋشىسى نۇرگۇل امانگەلدى