«ۇلتتىق كىتاپ» كۇنى مەرەكەسى اياسىندا كورنەكتى ەتنوگراف، جازۋشى، ادەبيەت سىنشىسى، اعارتۋشى، ق ر مادەنيەت ۇزدىگى، قوعام قايراتكەرى بولات بوپاي ۇلىنىڭ 65 جىلدىعىنا ارنالعان تاعىلىمدى شارا ۇيىمداستىرىلادى.

ءىس-شارا بارىسىندا اۆتوردىڭ كوزى تىرىسىندە جارىق كورگەن جانە العاش رەت برايل قارپىندە (نۇكتەلى-بەدەرلى شريفت) جانە مر-3 فورماتىندا شىعارىلعان ەڭبەكتەرىنىڭ تۇساۋكەسەرى وتەدى. بۇل باستاما – ەرەكشە جانداردىڭ رۋحاني بايلىعىنا قولجەتىمدىلىك جاساۋدى كوزدەيتىن ماڭىزدى قادام.

بولات بوپاي تۋرالى جازباعان، ودان سۇحبات الماعان جۋرناليست سيرەك. ۇلتتىق سالت، ادەت-عۇرىپ تۋرالى تاقىرىپ قوزعالا قالسا، تىلشىلەر ەڭ الدىمەن سول كىسىنى ىزدەيتىن. سەبەبى ونىڭ ءاربىر جاۋابى – دايىن ماقالا، شىندىققا تولى دەرەك ەدى.

سول سەبەپتى، بۇل شارا – جاي ەسكە الۋ كەشى ەمەس. بۇل – قالام ۇستاعان ارىپتەستەردىڭ قاتىسۋى ءتيىس رۋحاني كەزدەسۋ. 

باعدارلاما اياسىندا:

• «ەرەكشە جاندارعا – ەرەكشە كىتاپتار» اتتى كورمە وتەدى. كورمەگە بولات بوپايدىڭ «قازاق باتاسى»، «قازاق داستارحانى»، «قازاق داستۇرلەرى»، «قازاق ىرىم-عۇرىپتارى» اتتى ەڭبەكتەرى قويىلىپ، ولاردىڭ برايل ءقارپى مەن اۋديوفورماتتاعى نۇسقالارى كوپشىلىك نازارىنا ۇسىنىلادى.

• «اتادان قالعان مۇراسىن، ۇرپاعىنا جالعاعان» اتتى سلايد-شولۋ ارقىلى كورەرمەندەر جازۋشىنىڭ ءومىر جولى مەن شىعارماشىلىعىمەن تانىسا الادى.

• شارا بارىسىندا بولات بوپايدىڭ سوزىنە جازىلعان اندەر ورىندالىپ، ونىڭ شىعارماشىلىق مۇراسىنا ارنالعان مۋزىكالىق كورىنىستەر ۇسىنىلادى.

• كەلگەن قوناقتار مەن ارىپتەستەرى، قالامداس دوستارى، شاكىرتتەرى جازۋشى جايلى ەستەلىكتەرىمەن بولىسەدى.

وتكىزىلەتىن ورنى: الماتى قالاسى،  زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحاناسى

كۇنى: 21 ءساۋىر

ۋاقىتى: ساعات 15-00

مەكەن جايىمىز: بوگەنباي باتىر كوشەسى، 214 (ع.مۇراتبايەۆ ك. 171 قيىلىسى)

  87079121061