بۇرىنعى وقۋشىسى 17 ادامدى اتىپ ولتىرگەن اقش-تىڭ فلوريدا شتاتىنداعى "ماردجوري ستوۋنمەن دۋگلاس" مەكتەبىن جەرگىلىكتى بيلىك كۇرەپ تاستاۋعا شەشىم قابىلدادى. بۇل تۋرالى Qamshy.kz اقپارات اگەنتتىگى قازاقپاراتقا سىلتەمە بەرىپ جازادى
اگەنتتىكتىڭ مالىمەتىنشە، ءۇش قاباتتى مەكتەپ عيماراتىن ءسۇرىپ تاستاۋ تۋرالى اڭگىمە مەكتەپ اكتيۆى جانە جەرگىلىكتى بيلىك اراسىندا بىرنەشە مارتە تالقىلانعان. فلوريدا شتاتىنىڭ زاڭ شىعارۋ جينالىسىنىڭ سەناتورى بيلل گالۆانو ەسكى عيماراتتى كۇرەپ تاستاپ جاڭا مەكتەپ سالۋعا جۇمسالاتىن شىعىندى 30 ملن دوللار كولەمىندە دەپ وتىر.
"ماردجوري ستوۋنمەن دۋگلاس" مەكتەبىندەگى قاندى وقيعا سارسەنبى كۇنى تۇستەن كەيىن ورىن العان. اتالمىش مەكتەپتىڭ 19 جاستاعى بۇرىنعى وقۋشىسى نيكولاس كرۋز مەكتەپ وقۋشىلارى مەن مۇعالىمدەرىنە وق جاۋدىرعان.ول ىشكى ءتارتىپتى بۇزعانى ءۇشىن وسى مەكتەپتەن قۋىلعان بولاتىن.
نيكولاس كرۋزدىڭ كەز كەلگەن اڭشىلار دۇكەنىندە ساتىلاتىن جانە جەرگىلىكتى پوليسيا قولداناتىن AR-15 جارتىلاي اۆتوماتتاندىرىلعان ۆينتوۆكاسىمەن قارۋلانعانى بەلگىلى بولدى. جانە ودان كوپ مولشەردە وق تابىلعان.
