اقش پرەزيدەنتى دونالد ترامپ پرەزيدەنتتىك سايلاۋ الدىندا ماسكەۋمەن ەشقانداي كەلىسىمگە كەلمەگەنىن مالىمدەدى.
«رەسەيدىڭ امەريكاعا قارسى كامپانياسى ءوز جۇمىسىن 2014 جىلى باستادى. بۇل مەنىڭ پرەزيدەنتتىك سايلاۋعا تۇسۋىمنەن بۇرىن بولعان جاعداي. سايلاۋعا ول كامپانيانىڭ ەش اسەرى بولعان جوق. ترامپتىڭ كامپانياسى شالىس باسپادى، ياعني ەشكىممەن كەلىسىم جاساسقان جوق» دەپ جازدى ترامپ ءوزىنىڭ Twitter پاراقشاسىندا.
ءبىراز ۋاقىت بۇرىن اق ۇيدە ترامپ پروكۋرور روبەرت ميۋللەردىڭ زەرتتەۋ ناتيجەسىنە كوڭىلى تولاتىنىن ايتقان بولاتىن. زەرتتەۋ ناتيجەسى ترامپ كامپانياسى مەن رەسەيدىڭ اراسىندا بايلانىستىڭ جوق ەكەنىن كورسەتتى.
