بەلگىلى جۋرناليست ادىلبەك قابا پارلامەنت سەناتى باسپا ءسوز قىزمەتىنىڭ جەتەكشىسى بولىپ  تاعايىندالدى، دەپ حابارلايدى Qamshy.kz اقپارات اگەنتتىگى. 

ادىلبەك قابا – جۇزدەگەن عىلىمي، پۋبليسيستيكالىق ماقالانىڭ اۆتورى، اتى ءماشھۇر جۋرناليست قانا ەمەس، بىرنەشە كىتابىمەن وقىرمانىن قۋانتقان قالامگەر.

ول «اراي-زاريا» جۋرنالىندا ءتىلشى، «لەنينشىل جاس» («جاس الاش») باسىلىمنىڭ جاۋاپتى حاتشىسى  – باس رەداكتوردىڭ ورىنباسارى، «ايقىن» گازەتى باس رەداكتورىنىڭ ءبىرىنشى ورىنباسارى، «ءتىل جانە قوعام» جۋرنالىنىڭ باس رەداكتورى، ق ر باس پروكۋراتۋراسى اپپاراتىندا باسقارما باستىعى – باسپا ءسوز قىزمەتىنىڭ جەتەكشىسى قىزمەتتەرىن اتقارعان.

2012 جىلدان باستاپ ادىلبەك قابا ق ر پارلامەنتى سەناتى اپپاراتىندا باسپا ءسوز ءبولىمى باستىعىنىڭ ورىنباسارى بولىپ جۇمىس ىستەدى. ءوزىن مۇندا دا ىسىنە مىعىم، تاباندى، بىلىكتى مامان، قارىمدى قالامگەر رەتىندە تانىتىپ، پرەزيدەنتتىڭ جارلىعىمەن «تاۋەلسىزدىككە 20 جىل» مەملەكەتتىك ناگراداسىمەن جانە ق ر پارلامەنتى سەناتى ءتوراعاسىنىڭ العىس حاتىمەن ماراپاتتالدى.

ارىپتەسىمىزگە جاڭا قىزمەتىندە تاۋداي تابىس تىلەيمىز. امسە ساتتىلىك جولداس بولسىن!