الماس باتانوۆ 1977 جىلى الماتى قالاسىندا دۇنيەگە كەلگەن. 2000 جىلى قازاق مەملەكەتتىك اگرارلىق ۋنيۆەرسيتەتىن «اوك-تەگى اقپاراتتاۋ جۇيەسى» ماماندىعى بويىنشا ءتامامداعان. 2004 جىلى — الماتى تەحنولوگيالار جانە بيزنەس ۋنيۆەرسيتەتىن «ستاندارتتاۋ جانە سەرتيفيكاتتاۋ» ماماندىعى بويىنشا اياقتاعان. 2010 جىلى «بولاشاق» باعدارلاماسى بويىنشا نوتتينگەم ۋنيۆەرسيتەتىندە (ۇلىبريتانيا) وقىپ، اقپاراتتىق تەحنولوگيالار مەنەدجمەنتى ماگيسترى دارەجەسىن العان.

ەڭبەك جولىن «مەترولوگيا» رمك الماتى بولىمشەسىنىڭ جەتەكشى مامانى رەتىندە باستاعان. 2000–2009 جىلدارى قازاقستان مەترولوگيا ينستيتۋتىندا ءارتۇرلى لاۋازىمداردا جۇمىس ىستەگەن.

2011–2013 جىلدارى — ەكونوميكالىق زەرتتەۋلەر ينستيتۋتىنىڭ باس ساراپشىسى؛ ق ر پرەزيدەنتى اكىمشىلىگىنىڭ ستراتەگيالىق زەرتتەۋلەر جانە تالداۋ ورتالىعىنىڭ رەفەرەنتى، ساراپشىسى، كەڭەس بەرۋشىسى.

2013 جىلدان باستاپ 2014 جىلعا دەيىن ق ر وڭىرلىك دامۋ مينيسترلىگىنىڭ وڭىرلىك مونيتورينگ جانە باعالاۋ دەپارتامەنتىنىڭ ديرەكتورى بولىپ قىزمەت اتقارعان. 2014–2016 جىلدارى — ق ر پرەمەر-مينيسترىنىڭ ءبىرىنشى ورىنباسارىنىڭ كەڭەسشىسى بولىپ جۇمىس ىستەگەن.

2016 جىلى قازاقستان رەسپۋبليكاسى ۇلتتىق ەكونوميكا مينيسترلىگىنىڭ ستاتيستيكا كوميتەتى ءتوراعاسىنىڭ ورىنباسارى قىزمەتىن اتقارعان.

2016 جىلعى جەلتوقسان ايىنان باستاپ قازىرگى تاڭعا دەيىن ق ر پرەمەر-مينيسترىنىڭ كەڭسەسى باسشىسىنىڭ ورىنباسارى بولىپ قىزمەت اتقارعان.