شقو كيەلى جەرلەرىن سيفروۆيزاسيالاۋ شەڭبەرىندە شقو تۋريزم جانە سىرتقى بايلانىستار باسقارماسى ءموبيلدى قوسىمشادا تۋريستىك اۋديوگيد جاساۋدى جوسپارلاپ وتىر. اۋديوگيدكا كىرەتىن نىساندارعا كەز-كەلگەن ادام ءوز داۋىسىن بەرە الادى.

مۇنداي اۋديوگيدتىڭ قانداي پايداسى بار؟ ول تۋريستەرگە ءبىزدىڭ ايماقتىڭ باي تاريحى مەن كورىكتى تۋريستىك نىساندارى جايلى قولجەتىمدى اقپارات الۋعا مۇمكىندىك بەرەدى ەكەن.

اتالمىش اۋديوگيد تەگىن جانە 4 تىلدە بولماق: قازاق، ورىس، اعىلشىن جانە جۇڭگو. بارلىق جازبالار Play Market، App Store جانە  toureast.kz سايتىنىڭ پلاتفورمالارىندا قولجەتىمدى تۇردە ورنالاستىرىلادى.

ءقازىر toureast.kz سايتتىندا اۋديوگيدقا كىرەتىن نىساندار بويىنشا داۋىس بەرۋ باستالدى. ءوڭىردىڭ ءاربىر تۇرعىنى، ونىڭ ويىنشا، ەڭ كوپ ادام باراتىن نىسانعا داۋىس بەرىپ، ءوزىنىڭ پىكىرىن قالدىرا الادى. ۇيالى قوسىمشا نىساندارعا داۋىس بەرىلگەننەن كەيىن ءبىراق ىسكە قوسىلادى.

سونىمەن قاتار، جوبا اياسىندا «شىعىس قازاقستاننىڭ اڭىزدارى مەن ەرتەگىلەرى» اتتى ەلەكتروندىق كىتابىن جارىققا شىعاردى. كىتىپتى شىعارۋداعى نەگىزگى ماقسات ءوڭىردىڭ ساكرالدىق ورىندارىن كەڭىنەن ناسيحاتتاۋ، جاس ۇرپاقتى ءوز ولكەسىنىڭ تاريحىن بىلۋگە باۋلۋ ارقىلى كوركەم ادەبيەت وقۋعا قىزىعۋشىلىعىن ارتتىرۋ