ق ر بعم ۆيسە-مينيسترى اسحات ايماعامبەتوۆتىڭ ايتۋىنشا، قازاقستاندا مەكتەپتەر مەن وقۋشىلار جانە ولاردىڭ اتا-انالارى اراسىندا كەلىسىم بەكىتۋ جوسپارلانىپ وتىر. 

بۇل جايىندا  Qamshy.kz اقپارات اگەنتتىگى قازاقپارات مالىمەتىنە سۇيەنىپ حابارلايدى.

«پەداگوگتاردى قورعاۋ وتە ماڭىزدى ماسەلە. بۇگىندە ءبىز ۇكىمەت قاۋلىسىنا وزگەرىس ەنگىزۋدەمىز، ياعني بۇل ءبىلىم بەرۋ ۇيىمدارىنا قابىلداۋدىڭ ۇلگىلىك ەرەجەسىنە قاتىستى. وسى ۇلگىلىك ەرەجەلەردە «كەلىسىمشارت» دەگەن جاڭا تۇسىنىكتى ەنگىزۋدەمىز. اتاپ ايتقاندا، بىزدە بالاباقشالاردا، ۋنيۆەرسيتەتتەردە كەلىسىمشارتتار بار. الايدا وسىنداي قۇجاتتار مەكتەپتەردە، مەكتەپ پەن اتا-انالار اراسىندا بۇگىنگە دەيىن بولعان ەمەس. سوندىقتان ءبىزدىڭ پەداگوگتاردى قورعاۋ ماقساتىندا، سونداي-اق ءار تاراپتىڭ قۇقىعى مەن مىندەتتەمەلەرىن رەگلامەنتتەۋ ءۇشىن مەكتەپتەردە مىندەتتى تۇردە كەلىسىمشارتتاردى بەكىتۋدى ەنگىزۋ تۋرالى شەشىم قابىلدادىق. بۇل تۇرعىدا كىم نە ءۇشىن جاۋاپتى ەكەندىگى ايقىندالادى. بىزدىڭشە، بۇل قادام بۇگىندە بايقالعان پروبلەمالارعا ءوز اسەرىن تيگىزەتىن بولادى»، - دەدى ايماعامبەتوۆ.