كوپشىلىگى بالالار ءاۋ باستا كۇناسىز، پاك، تازا بولىپ تۋىلادى دەگەن پىكىردى ۇستانادى. تەك ۇيدەگى تاربيە مەن اينالاداعىلاردىڭ قارىم-قاتىناسى بالالاردىڭ ساناسى مەن وي-ورىسىنە اسەرە ەتەدى. الايدا، بالاعا ادامدەرشىلىك قاعيداسىن ۇيرەتۋ ءۇشىن ۇزاق ۋاقىت جۇمىس ىستەۋ كەرەك دەيتىندەر دە بار.

اتا-انا بالاعا دەر كەزىندە ءتيىستى تاربيە مەن كوڭىلىن بولە الماسا تومەندەگىدەي جاعدايلار ورىن الماسىنا كىم كەپىل...

1. وسىدان بىرنەشە جىل بۇرىن اقش-تىڭ وكلاحوما شتاتىندا  بروكەن-ارروۋ قالاشىعىندا  الەمدى ءدۇر سىلكىندىرگەن قايعىلى وقيعا ورىن الدى. 19 جاستاعى روبەرت بيۆەر ءوزىنىڭ 17 جاستاعى مايكل ەسىمدى ىنىسىمەن بىرگە ءوز جاقىندارىن قىرىپ سالعان. ەكى جەتكىنشەك اتا-اناسىن، ەكى ءىنىسى مەن 5 جاستاعى قارىنداسىن ولىتىرگەن. پوليسيا ەكى قانىشەردىڭ قاتىگەزدىگىنە تاڭقالعان. بۇكىل وتباسىنان تەك 13 جاستاعى قىز بەن 2 جاستاعى ءسابي قارىنداستارى امان قالعان. قالعاندارىن ەكەۋى بالتا، پىشاقتارمەن بىرنەشە رەت ۇرىپ ولتىرگەن، ال ەكى قارىنداسىنا قولدارى جەتپەگەن.

كورشىلەردىڭ ايتۋىنا قاراعاندا، ەكى جەتكىنشەك ءاۋ باستان ەرسى قىلىقتار تانىتاتىن. باۋىرلاردىڭ ۇلكەنى روبەرت قانىشەرلەرگە، ادام ولتىرۋگە قىزىعىپ، وسى ارقىلى تانىمال بولعىسى كەلگەن.

2. 1996 جىلى 2 اقپاندا بارري لۋكاتيس كوۆبوي كيىمىن كيىپ مەكتەپكە كەلگەندە سىنىپتاستارى ونىڭ قانداي ويمەن كەلە جاتقانىنان حابارسىز ەدى. بارري ءوزىنىڭ سىنىپتاستارى مەن الگەبرا پانىنەن ساباق بەرەتىن ءمۇعالىمىن اكەسىنىڭ قارۋىمەن اتىپ ولتىرگەن. كەيىن بەلگىلى بولعانداي، بارري پسيحيكالىق اۋىتقۋعا ۇشىراعان ەكەن. بارري لۋكاتيس ءومىر بويىنا باس بوستاندىعىنان ايىرىلدى.

3. دجوش فيلليپس ەسىمدى قانىشەر 14 جاسىندا كورشىنىڭ 8 جاستاعى قىزىن ولتىرگەن. بەيسبول ويناپ ءجۇرىپ بايقاۋسىزدا قىزدىڭ كوزىن شىعارىپ جىبەرگەن ول، قىزدىڭ ايقايلاعانىنان قورقىپ، ونى ۇيىنە الىپ كەلىپ پىشاقتاپ ءولتىرىپ تاستاعان.

قىزدىڭ ءمايىتىن توسەگىنىڭ استىنا جاسىرعان دجو ءبىر اپتادان كەيىن پوليسياعا ۇستالعان. بەلگىلى بولعانداي، جەتكىنشەك بۇل ارەكەتتى اكەسىنەن قورىققاندىقتان ىستەگەن.

4. 12 جاستاعى كريستيان فەرناندەس ءوزىنىڭ 2 جاستاعى ءىنىسىن ءولتىردى دەگەن ايىپپەن سوتتالعان. ەكى ۇلدىڭ اناسى كىشى بالاسىن ۇلكەنىنە تابىستاپ جۇمىستارىمەن كەتىپ قالعان. 12 جاستاعى كريستيان ءوزىنىڭ ءىنىسىن كىتاپ سورەسىنە ۇرعان. العان جاراققاتتان 2 جاستاعى ءسابي تالىپ قالعان. ۇيىنە ورالعان اناسى بالاسىنا ۇرىسىپ قانا قويىپ، تۇك بولماعانداي جۇمىستارىن جالعاسىتىرا بەرگەن. تەك ارادا ءتورت ساعات وتكەن سوڭ ءسابي ەسىن جيماعاننان كەيىن عانا ايەل ونى اۋرۋحاناعا الىپ بارعان. دارىگەرلەردىڭ ايتۋىنشا،  ەگەر ايەل بالاسىن ەرتەرەك اكەلگەندە، ءسابيدىڭ ءومىرىن ساقتاۋ قالۋعا بولاتىن ەدى.

.

5. 11 جاستاعى جاپوندىق قىز ناسۋمي سۋدزي ءوزىنىڭ سىنىپتاسىن ولتىرگەن. مازاسىن الىپ، ءوزىن كەلەكە قىلعان سىنىپتاسىن ناسۋمي تۇسكى اس كەزىندە قاعاز كەسەتىن پىشاقپەن ولتىرگەن.

كوپ جاعدايدا جانتۇرشىگەرلىك قىلمىستارعا باراتىن بالالار - پسيحيكالىق اۋىتقۋى بارلار. اتا-انانىڭ قاتىگەزدىگى مەن نەمۇرايلىعى، بالاعا  دۇرىس كوڭىل بولمەۋى - بالا ساناسىنا ۇلكەن زيانىن تيگىزەدى.