تۇرمىس قۇرىپ، شاڭىراق كوتەرۋ جاستاردىڭ ومىرىندە ەرەكشە ورىن الاتىن جايت. وعان دەيىن ولار ايلى تۇندەر مەن ابات باقتاردا سەيىل قۇرىپ، سايران سالادى. ال ۇيلەنەر شاقتا ءبىر-بىرىنىڭ سەزىمىن ىشتەي ءتۇسىنىپ، سوزىمەن ەمەس كوڭىلىمەن كەلىسكەن-دى. ال كەيبىرەۋى اتا-انانىڭ تاڭداۋىمەن تالاسپاي، بۇيىرعانىمەن وتباسى قۇرادى. ءقازىر قىزعا سەزىم ءبىلدىرىپ، ۇيلەنۋگە ۇسىنىس جاساۋ، بولەك ءبىر مەرەكە. بىرەۋى سىيلىق جاساپ، ەكىنشىسى قورقىتىپ، بوردايتوزداپ بارىپ قۇمىرادان شىققان پەرىدەي توسىننان ساپ ەتە، قولىنا گۇلمەن ساقيناسىن ۇستاپ، ۋلاپ-شۋلاپ سەزىمىن بىلدىرەدى.

بۇرىن قالاي ەدى؟ اتالارىمىز سەزىمگە بەرىلگەن بە؟ ول كەزدىڭ دە ءوز رابايى، سىرالعى تىرلىكتەرى بولعان-دى. ەركەكتىڭ دارەجەسىنە سوزسا قولى، قاراسا كوزى جەتپەيتىن ايەل اتاۋلىنىڭ. ويتكەنى وتباسىن ساقتاۋشى عانا ەمەس، مۇقىم ەلدىڭ تىنىشتىعىنا جاۋاپتى سولار. اشۋلانسا قاھارى ارىستاننىڭ ايباتىنان سىنىق سۇيەم كەم ەمەس-تى. ال مۇنداي اپتالدى ازاماتتاردان الگى ايتقان توسىن سىيلاردى كۇتىپ كور. ءقازىر دۇنيە شىر اينالىپ ءوز دەگەنىن جاساپ جاتىر. قىم ەتسە ءار نارسەنى زامانعا جاۋىپ، ءوز قاتەمىزدى سولاي اقتايتىن ادەتىمىز بار ەمەس پە؟ سول قيسىنعا سالساق، ايەلدەردىڭ دارەجەسى ەركەكتەردەن ءبىرشاما كوتەرىلدى. پاتريارحاتتان ماتريارحاتقا اۋىسۋعا شاق قالدىق. وعان فەمينيزم ساياساتىن كەلتىرسەك بولادى. بۇل جۇيە بويىنشا ايەل وتباسىندا بالا قاراۋشى، ءۇيدىڭ بەرەكەسى ەمەس، مەملەكەتتىك ىستەردى شەشىپ، ەركەكتەرمەن قولتىقتاسا ءجۇرىپ زاڭ شىعارعانىنان-اق كورۋگە بولادى. دەمەك، بۇرىنعىداي جانۇيانى اسىراۋشىلارعا ەركەك قانا ەمەس، ايەلدە قوسىلدى. وتاعاسىنان دا كوپ اقشا تاباتىن ايەلدەر جەتەرلىك. دۇرىس-اق، وسىناۋ مازاڭ دۇنيەدە ەڭبەك ەتپەسەڭ ەش قالاسىڭ. جىگىتتەردىڭ قىز الدىندا تىزەرلەپ تۇرىپ ءسوز سالۋىنىڭ ءبىر سەبەبى وسىدان با دەگەن كۇمان بار. «ۇيلەنگەن سوڭ مەنى اسىراشى، مەنىڭ تىرەگىم بول» دەگەن جالىنۋداي كورىنەدى. ايتپەسە، «مەنىڭ ومىرلىك جارىم بول»، «جابىققاندا قولداۋشىم بول»، – دەگەن اق نيەت، ماحابباتتان تۋعان وي بولۋ كەرەك ەدى.  ءبىز بولساق باس سالىپ ەتەگىنە جارماسىپ، جىعىلا كەتەتىنىمىز قىنجىلتادى. قۇددى ءبىر سولاي جاساماساق «ءيا» دەگەن جاۋاپتى الا المايتىندايمىز. تىكەسىنەن تىك تۇرىپ ءسوز سالساق، كوڭىلى قالىپ سالى سۋعا كەتەردەي.

بۇل كەلىسسىز ىسكە تاعى ءبىر يتەرمەلەيتىن دۇنيە تەلەديدارداعى كينولار. ءار كينو ماحابباتپەن ۇشتاساتىنى بەلگىلى. سولاي دەسەك، قىزعا ءسوز سالار الدىندا الگىندەي تىزەرلەي كەتەتىنى بار. بۇل كوبىنە شەت ەلدىڭ كينولارىنداعى كورىنىس. ادام اقپاراتتىڭ 90 پايىزىن كوزبەن قابىلدايتىنىن ەسكەرسەك، فيلمدەردەگى كورىنىستەر ءوسىپ كەلە جاتقان بالاعا بىردەن اسەر ەتەدى. «ماعان دا سولاي جاساۋعا بولادى ەكەن» دەگەن وي تۋادى. دىنىمىزدە دە «ەركەك ايەلدەن ءبىر ساتى جوعارى» بۇدان كەيىن قالايشا جالپاقتاي كەتەمىز. نەگە ءوز-وزىمىزدىڭ دارەجەمىزدى تۇسىرەمىز. ويلانايىق...

دۋمان كەڭشىلىك