ۇلتتىق بانك شەتەل ۆاليۋتاسىمەن يپوتەكالىق نەسيە العان ازاماتتارعا قولداۋ كورسەتەدى. بۇل تۋرالى ەلىمىزدىڭ ق ر ۇلتتىق بانك ءتوراعاسى الماتىدا وتكەن جيىندا مالىمدەدى دەپ حابارلايدى Qamshy.kz اقپارات اگەنتتىگى 24.kz-كە سىلتەمە بەرىپ.
دانيار اقىشيەۆ «ءقازىر ەلباسىنىڭ جولداۋىن ىسكە اسىرۋ ماقساتىندا 2015 جىلى قابىلدانعان «يپوتەكالىق نەسيەلەردى قايتا قارجىلاندىرۋ» باعدارلاماسىن كەڭەيتۋ بويىنشا جۇمىس ىستەپ جاتىرمىز»، – دەدى. ول ءۇشىن ەلىمىزدىڭ باستى قارجىلىق ينستيتۋتى قۇرىلىس كومپانيالارىنىڭ جانە كوممەرسيالىق بانكتەردىڭ باسشىلىعىمەن كەزدەسۋ وتكىزىپ، 2016 جىلدىڭ ءبىرىنشى قاڭتارىنا دەيىن شەتەل ۆاليۋتاسىمەن يپوتەكاعا باسپانا العان وتباسىلارعا كومەك كورسەتۋ ماسەلەسىن تالقىلاعان. ستاتيستيكالىق دەرەكتەرگە جۇگىنسەك، بۇگىندە بانكتەرگە وزدەرىنىڭ يپوتەكالىق نەسيەلەرىن قايتا قارجىلاندىرۋ تۋرالى جالپى قۇنى 220 ميلليارد تەڭگە بولاتىن 30 مىڭعا جۋىق ءوتىنىش كەلىپ ءتۇسىپتى.
- ەشقانداي قيىندىق جوق. جۋىق ارادا قاجەتتى بارلىق تۇزەتۋلەردى ەنگىزەمىز. ءبىز وسى سۇراققا قاتىستى مەملەكەت باسشىسىنىڭ تاپسىرماسىن تەز ورىنداۋدى جوسپارلاپ وتىرمىز. شەتەل ۆاليۋتاسىمەن يپوتەكالىق نەسيە العان ازاماتتاردىڭ ماسەلەسى بيىل تۇبەگەيلى شەشىمىن تاباتىن بولادى،- دەيدى دانيار اقىشيەۆ.
پىكىر قالدىرۋ