كەزدەسۋ بارىسىندا مەملەكەت باسشىسىنا باتىس قازاقستان وبلىسىنىڭ الەۋمەتتىك-ەكونوميكالىق دامۋى جونىندە ەسەپ بەرىلدى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساي وتىرىپ.

التاي كولگىنوۆ قازاقستان پرەزيدەنتىنە وڭىردەگى نەگىزگى ەكونوميكالىق كورسەتكىشتەردىڭ وسكەنى تۋرالى، سونداي-اق مەملەكەتتىك جانە سالالىق باعدارلامالاردىڭ  جۇزەگە اسىرىلۋ بارىسى جونىندە باياندادى.

– وبلىستا الەۋمەتتىك-ەكونوميكالىق جاعداي تۇراقتى. قابىلدانعان مەملەكەتتىك باعدارلامالار بەلسەندى تۇردە ىسكە اسىرىلىپ جاتىر. سونىڭ ناتيجەسىندە ەكونوميكادا وڭ ۇردىستەردىڭ ورىن العانى بايقالۋدا، – دەدى باتىس قازاقستان وبلىسىنىڭ اكىمى.

سونىمەن قاتار ا.كولگىنوۆتىڭ مالىمەتىنە سايكەس، 2017 جىلدىڭ قورىتىندىسى بويىنشا وبلىستىڭ ونەركاسىپ، قايتا وڭدەۋ سەكتورى مەن قۇرىلىس سالالارىنداعى كورسەتكىشتەردىڭ ارتىپ كەلە جاتقانى اتاپ وتىلگەن. جالپى ءونىم كولەمى 2،2 تريلليون تەڭگەگە جەتكەن.

كەزدەسۋ سوڭىندا نۇرسۇلتان نازاربايەۆ ءبىرقاتار ناقتى تاپسىرما بەردى.