بۇگىن الماتى قالاسى اكىمىنىڭ ورىنباسارى دارىبايەۆ مۇرات امانگەلدى ۇلىنىڭ ءتوراعالىق ەتۋىمەن كوكتەمگى اسكەرگە شاقىرۋ ماسەلەلەرى بويىنشا جينالىس ءوتتى دەپ جازادى Qamshy.kz اقپارات اگەنتتىگى. ازاماتتاردى اسكەري قىزمەتكە شاقىرۋدى ۇيىمداستىرۋ مەن جۇرگiزۋ ءتارتىبىن انىقتاۋ ماقساتىندا جەرگىلىكتى اتقارۋشى ورگاندار مەن جەرگىلىكتى اسكەري باسقارۋ ورگاندارىنىڭ باسشىلارى باس قوستى.
كوكتەمگى مەرزىمدى اسكەرگە شاقىرۋ جىلداعىداي 2018 جىلدىڭ ناۋرىز ايىنان باستالماق. جينالىس بارىسىندا اكىم ورىنباسارى مۇرات امانگەلدى ۇلى قازاقستان رەسپۋبليكاسىنىڭ "اسكەري قىزمەت جانە اسكەري قىزمەتشىلەردىڭ مارتەبەسى تۋرالى" زاڭعا سايكەس كوكتەمگى اسكەرگە شاقىرۋعا جاتاتىن اسكەرگە شاقىرىلۋشىلاردى xابارلاۋ كەزىندە باقىلاۋدى كۇشەيتۋ كەرەكتىگىن، اۋداندىق شاقىرۋ پۋنكتىندە مەديسينالىق جابدىقتاۋ قۇرالدارىن 100% جاساقتاۋ قاجەتتىلىگىن ايتتى.
سونىمەن قاتار الماتى قالاسى قورعانىس ىستەرى جونىندەگى دەپارتامەنتىنىڭ باستىعى پولكوۆنيك ۋسەربايەۆ امانتاي سلامجان ۇلى 2017 جىلى رەسپۋبليكالىق جەرگىلىكتى اسكەري باسقارۋ ورگاندارى اراسىندا "ۇزدىك" دەپ تانىلعانىن جانە مەرزىمدى اسكەرگە شاقىرۋ بويىنشا جۇمىستاردىڭ اتقارىلىپ جاتقاندىعىن تىلگە تيەك ەتتى. الماتى قالاسى بويىنشا جىلىنا 2000-داي ادام اسكەرگە شاقىرىلادى. ازاماتتاردى مەرزiمدi اسكەري قىزمەتكە شاقىرۋ قازاقستان رەسپۋبليكاسى پرەزيدەنتىنىڭ جارلىعى جانە قازاقستان رەسپۋبليكاسى ۇكiمەتiنiڭ قاۋلىسى نەگiزiندە جىلىنا ەكi رەت جۇرگiزىلەدi. جينالىستا ون سەگىز جاستان جيىرما جەتى جاسقا دەيىنگى، اسكەرگە شاقىرۋدى كەيىنگە قالدىرۋعا نەمەسە اسكەرگە شاقىرىلۋدان بوساتىلۋعا قۇقىعى جوق ازاماتتار قازاقستان رەسپۋبليكاسىنىڭ قارۋلى كۇشتەرىن، باسقا دا اسكەري قۇرىلىمدارىن، ق ر ۇقك، ۇلتتىق ۇلاندى، ق ر مەملەكەتتىك كۇزەت قىزمەتىن جاساقتاۋ ءۇشىن قاجەتتى سانىندا مەرزiمدi اسكەري قىزمەتكە شاقىرۋ ماسەلەلەرى تالقىلاندى.
جينالىس سوڭىندا الماتى قالاسى اكىمىنىڭ ورىنباسارى م.ا.دارىبايەۆقا قازاقستان رەسپۋبليكاسى قورعانىس ءمينيسترىنىڭ اتىنان گراموتا تاپسىرىلدى.
قارلىعاش مۇسابەك قىزى
