ساياساتتانۋشى ءامىرجان قوسانوۆ مينيسترلەردىڭ قازاق ءتىلىن جىلدام مەڭگەرۋى ءۇشىن نۇرسۇلتان نازاربايەۆقا تومەندەگىدەي ۇسىنىس ايتتى. بۇل تۋرالى ساياساتتانۋشى ءوزىنىڭ فەيسبۋكتەگى پاراقشاسىندا جازدى.
ەلباسىنا ۇسىنىس
مينيسترلەرىڭىز شىنىمەن دە قازاق ءتىلىن ۇيرەنسىن دەسەڭىز، مەملەكەتتىك ءتىل تۇنىپ تۇرعان ورتاعا - اۋىلعا بىرنەشە ايعا جىبەرىپ الىڭىز.
جاي عانا جۇرمەي، ءوز سالالارى بويىنشا قىزمەت جاساپ قايتسىن.
ماسەلەن، ءبىلىم ءمينيسترى - ءمۇعالىم،
دەنساۋلىق ساقتاۋ ءمينيسترى - دارىگەر،
ەڭبەك جانە الەۋمەتتىك قورعاۋ ءمينيسترى - ءوز كۇنىن ءوزى كورۋشى، اقپارات جانە كوممۋنيكاسيا ءمينيسترى - اۋداندىق گازەتتىڭ ءتىلشىسى،
مادەنيەت جانە سپورت ءمينيسترى - اۋداندىق حور ءانشىسى نە جاتتىقتىرۋشى،
ينۆەستيسيا مەن دامۋ ءمينيسترى - جول قۇرىلىسشىسى،
قارجى ءمينيسترى - اۋداندىق قارجى ءبولىمىنىڭ قىزمەتكەرى، اۋىل شارۋاشىلىق ءمينيسترى - اگرونوم نە شوپان،
ءدىن جانە ازاماتتىق قوعام ءمينيسترى - يمام نە جەرگىلىكتى وپپوزيسيونەر،
ادىلەت ءمينيسترى - ادۆوكات،
ەنەرگەتيكا ءمينيسترى - ەلەكتريك نە پەش جاعۋشى،
ىشكى ىستەر ءمينيسترى - ۋچاسكەلىك پوليسەي،
قورعانىس ءمينيسترى - اسكەري بولىمشە وفيسەرى،
ال ۇلتتىق ەكونوميكا ءمينيسترى - شاعىن فيرما جەتەكشىسى بوپ جۇمىس اتقارىپ، ۇلتتىق بانك ءتورعاعاسى جۇمىس ىستەيتىن اۋداندىق بانكتەن نەسيە الىپ كورسىن.
ءتىلدى دە تەز ۇيرەنەدى، وزدەرى باسقارىپ وتىرعان سالالاردىڭ قىر-سىرىن دا جاقسىلاپ مەڭگەرىپ الادى.
پىكىر قالدىرۋ