قازاقستان رەسپۋبليكاسى ۇكىمەتىنىڭ قاۋلىسىمەن شايمەرگەنوۆ تيمۋر تولەگەن ۇلى ق ر قورعانىس جانە اەروعارىش ونەركاسىبى ۆيسە-مينيسترى بولىپ تاعايىندالدى، دەپ حابارلايدى Qamshy.kz اقپارات اگەنتتىگى ءتىلشىسى ق ر پرەمەر-مينيستردىڭ سايتىنا سىلتەمە جاساپ.
تيمۋر شايمەرگەنوۆ 1982 جىلى جامبىل وبلىسىندا دۇنيەگە كەلگەن. 2004 جىلى الماتى قالالىق حالىقارالىق ماماندىقتار ينستيتۋتىن ءتامامدادى، 2009 جىلى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىندا ساياسي عىلىمدار كانديداتىنىڭ عىلىمي دارەجەسىن الۋ ءۇشىن ديسسەرتاسيا قورعادى.
2009-2017 جىلدارى گارۆارد، وكسفورد، كەمبريدج، پەنسيلۆانيا، كولۋمبيا ۋنيۆەرسيتەتتەرىندە جەتەكشى قۇرامعا ارنالعان وقۋ باعدارلاماسىنان ءوتتى. حالىقارالىق قاتىناستار جانە قاۋىپسىزدىك، ستراتەگيالىق مەنەدجمەنت جانە تاۋەكەلدەردى باسقارۋ سالاسىندا مامان بىلىكتىلىگىنە يە. قازاق، ورىس، اعىلشىن تىلدەرىن مەڭگەرگەن.
ەڭبەك جولىن 2004 جىلى ءال-فارابي اتىنداعى قازاق ۇلتتىق ۋنيۆەرسيتەتىندە باستاعان، ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتىندا، ق ر پارلامەنتى ءماجىلىسى جانە ق ر قاۋىپسىزدىك كەڭەسى اپپاراتتارىندا ءتۇرلى قىزمەتتەر اتقارعان. ق ر سىرتقى ىستەر مينيسترلىگى جانىنداعى قوعامدىق كەڭەستىڭ مۇشەسى.
ق ر قورعانىس جانە اەروعارىش ونەركاسىبى مينيسترلىگىنە قىزمەتكە تاعايىندالماس بۇرىن ق ر پرەزيدەنتى اكىمشىلىگى جۇيەسىندە جۇمىس ىستەگەن.
"قازاقستان حالقى اسسامبلەياسىنا 25 جىل"، "ق ر كونستيتۋسياسىنا 20 جىل"، "ق ر ديپلوماتيالىق قىزمەتىنە 25 جىل"، "ق ر ۇلتتىق قاۋىپسىزدىك كوميتەتىنە 25 جىل" مەدالدارىمەن ماراپاتتالعان.
