ق ر پارلامەنتى سەناتىنىڭ وتىرىسىندا داريعا نازاربايەۆا دەپۋتاتتىق ساۋالىن نە سەبەپتى ورىس تىلىندە جولداعانىن ءتۇسىندىردى، دەپ حابارلايدى Qamshy.kz اقپارات اگەنتتىگى.
–ورىس تىلىنە ەشكىم شەكتەۋ قويعان جوق. پرەزيدەنتتىڭ تاپسىرماسىن ورىنداۋعا ءبارىمىز دە تىرىسامىز. ال ەندى ورىس تىلىنە ەشكىم ءالى شەكتەۋ قويعان جوق، قويمايتىن دا شىعار. ەندى وزگە تۇرعىندارىمىزدى دا سىيلاۋ كەرەكپىز. ۇلتارالىق كەلىسىم مەن دوستىققا ەشكىم شەكتەۋ قويعان جوق. قازاقستان تەرريتورياسىندا بار، مەملەكەتتىك ورگاندار جۇمىس ىستەيتىن تىلدەر كونستيتۋسيامەن بەكىتىلگەن، – دەدى داريعا نازاربايەۆا.
ايتا كەتەيىك، 26 اقپاندا مەملەكەت باسشىسى نۇرسۇلتان نازاربايەۆ ق ر اقپارات جانە كوممۋنيكاسيا ءمينيسترى داۋرەن ابايەۆتى قابىلداۋى بارىسىندا ۇكىمەت پەن پارلامەنت تەك مەملەكەتتىك تىلدە قىزمەت كورسەتۋى ءتيىس ەكەنىن ەسكەرتكەن.
ال كەلەسى كۇنى ۇكىمەت وتىرىسى قازاق تىلىندە ءوتتى. الايدا داۋرەن ابايەۆ سول كۇنى ەلباسىنىڭ «تەك» دەگەن ءسوزدى ايتپاعانىن، ورىس تىلىنە ەشكىمنىڭ شەكتەۋ قويماعانىن مالىمدەگەن.
