باتىس سىبىرگە اۋىسقان سيكلون قازاقستان اۋماعى ارقىلى جىلجيدى دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساپ.

6 ناۋرىزدا كۇن جىلى بولسا، 7-8 ناۋرىزدا رەسپۋبليكانىڭ سولتۇستىك بولىگىندە قار، بوران، كوكتايعاق، قاتتى جەل كۇتىلەدى.

وڭتۇستىك وبلىستاردا جاۋىن-شاشىن، ىلعالدى قار، تۇمان، كەي جەرلەردە 23-28 م/س دەيىن كوتەرىلەتىن جەل سوعادى. قازاقستاننىڭ وڭتۇستىگىندە دابىلدى ەسكەرتۋ جاريالاندى:  

6 ناۋرىزدا جامبىل وبلىسىندا كەي جەرلەردە جەل كۇشى 15-20، ەكپىنى 23-28 م/س بولادى دەپ كۇتىلەدى. ال كۇندىز وبلىستىڭ وڭتۇستىك-باتىسىندا جەل كۇشى 30 م/س بولۋى مۇمكىن.

6 ناۋرىزدا  تاراز قالاسىندا قاتتى جەل بولادى. وڭتۇستىك-باتىس، باتىس جەلىنىڭ ەكپىنى 15-20، كەي ۋاقىتتا 23-28 م/س كۇتىلەدى.

6 ناۋرىزدا وڭتۇستىك قازاقستان وبلىسىندا كۇندىز جاڭبىر، تاۋلى اسۋلاردا  قاتتى جاڭبىر كۇتىلەدى. كۇندىز كەي جەرلەردە نايزاعاي وينايدى. جەل سوعادى. ونىڭ كۇشى كەي جەرلەردە تۇندە 15-20 م/س، كۇندىز 15-20،تاۋلى اسۋلاردا 30 م/س بولادى دەپ  كۇتىلەدى. 

بۇعان دەيىن الماتى، جامبىل، وڭتۇستىك قازاقستان، قىزىلوردا، اتىراۋ، باتىس قازاقستان، قاراعاندى، اقمولا جانە سولتۇستىك قازاقستان وبلىستارىندا داۋىلدى ەسكەرتۋ جاريالانعان.

5-7 ناۋرىزدا الماتى، جامبىل، وڭتۇستىك-قازاقستان، قىزىلوردا وبلىستارىندا جاۋىن-جاشىن كۇتىلەدى. وسىعان بايلانىستى، سۋ دەڭگەيى كوتەرىلۋى مۇمكىن. 

5-6 ناۋرىزدا اتىراۋ، باتىس قازاقستان، قاراعاندى، اقمولا، سولتۇستىك قازاقستان وبلىستارى بويىنشا كۇندىزگى اۋا تەمپەراتۋراسىنىڭ 0+70C قىسقا مەرزىمدى جوعارىلاۋى، جاۋىن-شاشىنعا بايلانىستى جازىق اۋماقتا قاردىڭ ەرۋى جانە ەرىگەن قار اعىنىنىڭ قالىپتاسۋى كۇتىلەدى.