ينۆەستيسيالار جانە دامۋ ءمينيسترى جەڭىس قاسىمبەك جاڭا يپوتەكالىق «7-20-25» باعدارلاماسىنا تۇسىندىرمە بەرىپ ءوتتى دەپ جازادى Qamshy.kz اقپارات اگەنتتىگى. 

«مىنا نارسەنى ەسكەرۋ كەرەك، 7 پايىزدىق يپوتەكا بانكتەر ارقىلى بەرىلمەيدى، ۇكىمەت پەن ۇلتتىق بانك ارنايى كومپانيانى قۇراتىن بولادى. اتالعان كومپانيا ارزان يپوتەكانى بەرۋمەن اينالىسادى. ماسەلەن، قازىرگى كەزدە ەكىنشى دەڭگەيلى بانكتەردە يپوتەكانىڭ جىلدىق مولشەرلەمەسى 15-17 پايىزدى قۇرايدى. ال جاڭا كومپانيانى ۇلتتىق بانك سۋبسيديالايدى. سونىڭ ارقاسىندا 7 پايىزدىق يپوتەكا بەرۋگە مۇمكىندىك بولادى. اتالعان شارا تۇرعىن ءۇيدىڭ ساپاسىنا كەرى اسەرىن تيگىزبەيدى»، — دەدى مينيستر.

ءمينيستردىڭ ايتۋىنشا، قازاقستاننىڭ يپوتەكالىق كومپانياسى جاڭا باعدارلاماعا ارالاسپايدى. اتالعان ۇيىم ءوز قىزمەتىن «نۇرلى جەر» باعدارلاماسى اياسىندا جالعاستىرا بەرەدى.