ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى گەنەرال-مايور نۇرعالي بىلىسبەكوۆ 2018–2022 جىلدارعا ارنالعان باعدارلامانىڭ ماقساتى — ءدىني ەكسترەميزم كورىنىستەرىن ەسكەرتۋ جانە تەرروريزم ءقاۋپىن بولدىرماۋ ارقىلى ادامنىڭ، قوعامنىڭ جانە مەملەكەتتىڭ قاۋىپسىزدىگىن قامتاماسىز ەتۋ ەكەنىن اتاپ ءوتتى.
«حالىقارالىق تەرروريستىك ۇيىمدار سيريا مەن يراكتا جەڭىلىس تاپتى. سوندىقتان ول جەردەگى سودىرلار وتباسىلارىمەن بىرگە باسقا جەرگە، سونىڭ ىشىندە ءوز ەلدەرىنە قونىس اۋدارىپ جاتىر. قازىرگى كەزدە قازاقستانعا 125 ازامات قايتا ورالىپ، ولاردىڭ 57ء-سى سوتتالدى. ەلگە ورالعاندار راديكالدىق كوزقاراستى ۇستانادى. ولارمەن پروفيلاكتيكا مەن بەيىمدەۋ جۇمىستارى جۇرگىزىلۋدە»، — دەدى ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى نۇرعالي بىلىسبەكوۆ.
2013 جىلدان باستاپ ەلىمىزدە ءدىني ەكسترەميزم مەن تەرروريزم يدەولوگياسىن تاراتۋدىڭ سەبەپتەرى مەن جاعدايلارىن جويۋ جانە اتاۋلى اقپاراتتىق ءتۇسىندىرۋ جۇمىستارىن ۇيىمداستىرۋ جونىندە 202 كوميسسيا جۇمىس ىستەيدى.
مالىمدەلگەن اقپاراتقا سايكەس، اتالعان باعىتتا جالپى سانى 8،1 ملن-نان استام ادام قامتىلعان 96،6 مىڭنان استام شارا وتكىزىلدى.
ال ق ر تەرروريزمگە قارسى ورتالىعى شتابىنىڭ باستىعى جانات سايپولدايەۆ سيريا-يراك ايماعىنان 125 قازاقستاندىق ورالعانىن، ونىڭ ىشىندە 40-تان استامى بالالار ەكەنىن ايتتى.
