اقش كحدر-عا قارسى  حيميالىق قارۋ قولدناعانى ءۇشىن   سانكسيالار ەنگىزدى. بۇل تۋرالى ريا نوۆوستي-گە سىلتەمە بەرىپ Qamshy.kz اقپارات اگەنتتىگى حابارلايدى.

اقش  سولتۇستىك كورەيا ليدەرى كيم چەن يننىڭ اعاسى كيم چەن نامدى ءولتىرۋ كەزىندە حيميالىق قارۋ قولدانعانى ءۇشىن ەلدىڭ زاڭسىز ارەكەتتەرىنە قارسى شىعىپ وتىر.

اقش-تىڭ مەملەكەتتىك دەپارتامەنتى اتالعان سانكسيالاردى 5 ناۋرىزدان باستاپ ەنگىزگەنىن مالىمدەدى.

ۆەدومستۆو مالىمدەمەسىندە سولتۇستىك كورەيا كيم چەن نامدى كۋالا-لۋمپۋر اۋەجايىندا 22 اقپاندا ولتىرگەنىن جازعان.

«ءبىز كحدر-دىڭ ادامزاتتى جاپپاي قىرۋعا باعىتتالعان قارۋىن، جوباسىن قولدانۋىنا بەيجاي قاراپ وتىرا المايمىز»،-دەپ ءوزىنىڭ سولتۇستىك كورەيا ۇكىمەتىنە نارازىلىعىن ءبىلدىردى.

ايتا كەتەيىك، كيم چەن نام — كحدر-دىڭ قازىرگى ليدەرىنىڭ اعاسى، ءبىر اكەدەن تۋعان، ءبىراق انالارى ءارتۇرلى باۋىرلار بولىپ كەلەدى. وسىعان قاراماستان، كيم چەن نامنىڭ وتباسى مەملەكەت ليدەرىمەن جاقسى قارىم-قاتىناستا بولماعان كورىنەدى.