امەريكالىق GOBankingRates قارجىلىق كەڭەس بەرۋ پورتالى ءومىر سۇرۋگە ءتيىمدى 50 ەلدىڭ رەيتينگىن ءتۇزدى. رەيتينگ جەرگىلىكتى تۇتىنۋ تاۋارلارى مەن ازىق-تۇلىك باعاسىنا، جىلجىمايتىن مۇلىكتى جالداۋ قۇنىنا نەگىزدەلگەن، دەپ حابارلايدى Qamshy.kz اقپارات اگەنتتىگى.

ءبىرىنشى ورىندا ءۇندىستان، ەكىنشى ورىندا ساۋد ارابياسى، ءۇشىنشى ورىندا پاكىستان تۇر. ءومىر سۇرۋگە ەڭ ءتيىمسىز ەل ۆەنگريا بولىپ شىقتى. رەيتينگتە جيىنى 115 ەل اتالادى.

تمد مەملەكەتتەرىنەن تىزىمگە بەلارۋس (27-ورىن) پەن قازاقستان (31-ورىن) كىردى. ەلىمىز البانيا مەن سيريانىڭ اراسىنا جايعاسقان. بىلتىرعى رەيتينگ بويىنشا قازاقستان 5-ورىندا بولعان.

قازاقستان تۋرالى سيپاتتامادا ەلىمىزدىڭ تامىلجىعان تابيعاتى ەرەكشە نازارعا الىنىپتى. نيۋ-يوركپەن سالىستىرعاندا بىزدەگى ازىق-تۇلىك باعاسى 72 پايىزعا، تۇرعىن ءۇيدى جالداۋ 89 پايىزعا، جالپى ءومىر ءسۇرۋ قۇنى 66 پايىزعا ارزان ەكەن.