الەمدەگى ۇزدىك فۋتبولشىلاردىڭ ءبىرى، «بارسەلونا» كلۋبىنىڭ شابۋىلشىسى ليونەل مەسسيدىڭ ءۇشىنشى ۇلى دۇنيەگە كەلدى، دەپ جازادى Qamshy.kz اقپارات اگەنتتىگى.
كاتالوندىق كلۋبتىڭ سايتىندا مەسسيدىڭ يسپانيا چەمپيوناتى ويىنىنا جەكە باسىنا قاتىستى سەبەپتەر بويىنشا قاتىسپايتىنىن حابارلادى.
Mundo Deportivo اقپاراتى بويىنشا، سەنبىگە قاراعان ءتۇنى فۋتبولشىنىڭ ءۇشىنشى بالاسى دۇنيەگە كەلدى. مەسسي ينستاگرامداعى پاراقشاسىندا ءسابيدىڭ قولى تۇسىرىلگەن فوتو جاريالاپ، «ءبارى كەرەمەت ءوتتى. سالەم، چيرو! اناسىنىڭ دا، ءسابيىنىڭ دە جاعدايى جاقسى. ءبىز وتە باقىتتىمىز»، — دەپ جازدى.
مەسسي مەن انتونەللانىڭ ەكى بالاسى بار — ۇلكەن ۇلى بەس، ال ەكىنشى بالاسى ەكى جارىم جاستا.
پىكىر قالدىرۋ