اتموسفەرالىق فرونتتاردىڭ وتۋىنە بايلانىستى قازاقستاننىڭ باسىم بولىگىندە قۇبىلمالى اۋا-رايى ساقتالادى، دەپ حابارلايدى Qamshy.kz اقپارات اگەنتتىگى قازگيدرومەتتىڭ دەرەگىن نەگىزگە الا وتىرىپ. 

كەي جەرلەردە جاۋىن-شاشىن جاۋادى. رەسپۋبليكانىڭ باسىم بولىگىندە تۇمان، كەي وڭىرلەردە كوكتايعاق، بۇرقاسىن، جەل كۇشەيەدى، ەلدىڭ وڭتۇستىگىندە نايزاعاي بولادى.

جامبىل وبلىسىندا جەل كۇشەيەدى، ەكپىنى 23-28م/س، وڭتۇستىك-باتىستا 30 م/س، كەي جەرلەردە تۇمان، نايزاعاي تۇسەدى.

وڭتۇستىك قازاقستان وبلىسىندا جەلدىڭ ەكپىنى 23-28 م/س،  كەي جەرلەردە تۇمان، نايزاعاي بولادى. 

قىزىلوردا وبلىسىنىڭ كەي جەرلەرىندە تۇمان، كوكتايعاق، نايزاعاي، جەلدىڭ ەكپىنى 23-28 م/س بولادى.

شىعىس قازاقستان وبلىسىنىڭ كەي جەرلەرىندە تۇمان، كوكتايعاق، قاتتى جەل بولادى.

سولتۇستىك قازاقستان وبلىسىنىڭ كەي جەرلەرىندە تۇمان، كوكتايعاق، تۇندە بۇرقاسىنداتادى.

قوستاناي، باتىس قازاقستان، اتىراۋ، ماڭعىستاۋ، اقتوبە، قاراعاندى وبلىستارىنىڭ كەي جەرلەرىندە تۇمان، ماڭعىستاۋ، قاراعاندى وبلىستارىنىڭ كەي جەرلەرىندە — كوكتايعاق، قوستاناي وبلىسىنىڭ كەي جەرلەرىندە جەلدىڭ كۇشى 15-20 م/س بولادى. 

الماتى وبلىسىنىڭ كەي جەرلەرىندە جەلدىڭ كۇشى 17-22 م/س بولادى دەپ بولجانعان.