لوس-اندجەلەس قالاسىنداعى Glendale Galleria ساۋدا ورتالىعىندا اتىس بولىپ، ىشتەگى ادامدار تۇگەل ەۆاكۋاسيالاندى دەپ جازادى Qamshy.kz اقپارات اگەنتتىگى شەتەلدىك باق-تىڭ دەرەگىنە سۇيەنىپ.
زەرگەرلىك دۇكەندى توناماق بولماق قاراقشىلاردى توقتاتۋ ءۇشىن عيمارات كۇزەتشىسى وق اتقان. ساۋدا ورتالىعىنىڭ مەنەدجەرى برەنت گاردنەردىڭ ايتۋىنشا، ءۇش بەلگىسىز ادام دۇكەن ۆيتريناسىن Rolex ساعاتىمەن ۇرىپ سىندىرماق بولعان. وسى كەزدە دۇكەن كۇزەتشىسى قارۋدان وق اتۋعا ءماجبۇر بولىپتى.
قارۋدىڭ داۋسى شىققان سوڭ ادامداردىڭ ەسى شىعىپ،قاشا جونەلگەن.
«ساۋدا ورتالىعىنىڭ ىشىندەگى ادامدار شۋلاپ، ءبىر-بىرىن تاپتاپ سىرتقى ەسىككە جۇگىردى»، - دەيدى باسىلىمعا سۇحبات بەرگەن كۋاگەرلەردىڭ ءبىرى. اتىستان ەشكىم زارداپ شەككەن جوق. دۇكەن توناۋعا قاتىسقان ءۇش ادامنىڭ بىرەۋى قولعا ءتۇستى.
پىكىر قالدىرۋ