ۆولگوگراد وبلىسىنىڭ تۇرعىنىنا 9 ايلىق بالاسىن ءولتىردى دەپ ايىپ تاعىلدى، دەپ جازادى Qamshy.kz اقپارات اگەنتتىگى. 

«26 جاستاعى فرولوۆو تۇرعىنىنىڭ ۇستىنەن قىلمىستىق ءىس قوزعالدى. وعان ءوزىنىڭ  9 ايلىق بالاسىن ءولتىردى دەگەن ايىپ تاعىلدى»، — دەلىنگەن رەسەيدەگى تەرگەۋ كوميتەتىنىڭ حابارلاماسىندا. 

رەسەيلىك تەرگەۋشىلەردىڭ ايتۋىنشا، كۇدىكتى ايەل 1 ناۋرىزدا بالاسىمەن ۆولگوگرادقا كەلگەن. وسى جەردە پاتەر جالداپ، ءۇش كۇننەن كەيىن ءسابيىن تۇنشىقتىرىپ ءولتىرىپ، ونىڭ ءمايىتىن قوقىس جاشىگىنە لاقتىرىپ، باسقا قالاعا كەتىپ قالعان. قازىرگى ۋاقىتتا پوليسەيلەر نارەستەنىڭ دەنەسىن ىزدەستىرىپ جاتىر.

ايەلدىڭ اناسى قىزىنىڭ جوعالىپ كەتكەنىن پوليسياعا حابارلاعان. ءتارتىپ ساقشىلارى قىلمىستىڭ بەتىن اشىپ، ايەلدى تۇتقىندايدى. ول ءوز بالاسىن ولتىرگەنىن مويىندادى.