بۇگىن كۋبادا حالىقتىق ۇكىمەتتىڭ ۇلتتىق اسسامبەياسىنا (ءبىر پالاتالى) سايلاۋ وتەدى، دەپ جازادى Qamshy.kz اقپارات اگەنتتىگى. ال ساۋىردە پارلامەنت دەپۋتاتتارى جاڭا شاقىرىلىمعا جينالىپ، ءوز قاتارىنان 86 جاستاعى مەملەكەت باسشىسى راۋل كاسترونىڭ مۇراگەرىن سايلايدى.
راۋل كاسترو 2008 جىلدان بەرى مەمكەڭەستىڭ جانە كۋبا مينيسترلەر كەڭەسىنىڭ ءتوراعاسى لاۋازىمىن اتقارىپ كەلەدى.
ول بۇل قىزمەتتە ءوزىنىڭ اعاسى كۋبا ريەۆوليۋسياسىنىڭ كوشباسشىسى فيدەل كاسترونىڭ (1926-2016) ورنىن الماستىردى. راۋل كاسترونىڭ ورنىنا مەمكەڭەستىڭ جانە مينيسترلەر كەڭەسى ءتوراعاسىنىڭ ءبىرىنشى ورىنباسارى ميگەل دياس-كانەل بىردەن ءبىر مۇراگەر سانالىپ وتىر. كۋبا حالقى جەكسەنبىدە ۇلتتىق اسسامبلەيانىڭ 605 دەپۋتاتىن، سونداي-اق حالىقتىق ۇكىمەتتىڭ 1،2 مىڭ پروۆينسيالدىق اسسامبلەيا دەلەگاتتارىن سايلايدى.
كونستيتۋسياعا سايكەس، پارلامەنت جانە 15 پروۆينسيانىڭ ءوزىن-وزى باسقارۋ ورگاندارى بەس جىلدا ءبىر رەت جاڭارتىلىپ وتىرادى. سايلاۋ ۋچاسكەلەرى جەرگىلىكتى ۋاقىتپەن 07:00-دە اشىلادى. داۋىس بەرۋ دۇيسەنبىدە18:00-دە اياقتالادى.
پىكىر قالدىرۋ