قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ رەسەي فەدەراسياسىنىڭ پرەزيدەنتى ۆلاديمير ءپۋتيندى نە ءۇشىن قۇرمەتتەيتىنىن ايتتى.

رەسەيلىك «ءبىرىنشى ارناعا» بەرگەن سۇحباتىندا ەلباسى نۇرسۇلتان نازاربايەۆ ەكى ەل اراسىنداعى كوشباسشىلاردىڭ جاقسى قارىم-قاتىناستا بولۋى اسا ماڭىزدى ەكەنىن اتاپ ءوتتى. سونىمەن قاتار كوشباسشىلار اراسىنداعى سەنىم ەكى ەل اراسىنداعى سەنىمگە اكەلەدى.

«ۆلاديمير ۆلاديميروۆيچ پۋتين  2000 جىلى پرەزيدەنت بولىپ سايلاندى. سايلانعان العاشقى كۇننەن باستاپ ءبىز جاقسى قارىم-قاتىناستامىز، جاسىراتىنى جوق جاقسى دوستارمىز. نەگە؟ بىرىنشىدەن، مەن ونىڭ قالاي جۇمىس ىستەيتىنىن باقىلادىم. كەڭەستىك وداق كەزىنەن باستاپ مەن سەكىلدى ساياساتتان مول تاجىريبەسى بولماسا دا، رەسەيدىڭ ساياسي جاعدايى ۋشىعىپ تۇرعان كەزدە پرەزيدەنت بولدى»، -  دەيدى ن. نازاربايەۆ.

سونىمەن قاتار نازاربايەۆ ءپۋتيننىڭ ادامي قۇندىلىقتارىن دا ايتىپ ءوتتى.

«پۋتين – ءوز سوزىندە تۇراتىن ادام. ول ويلانىپ سويلەيدى جانە ءوز سوزىنەن ەشقاشان تايمايدى»،- دەپ باعالادى نۇرسۇلتان نازاربايەۆ.

ەلباسىنىڭ ايتۋىنشا، پۋتين سەكىلدى اداممەن جۇمىس ىستەۋ كەرەك جانە سىيلاۋ كەرەك.

«رەسەي پرەزيدەنتتىك سايلاۋ وتكىزگەلى جاتىر. مەنىڭشە رەسەي حالقى دۇرىس شەشىم قابىلدايدى»، - دەپ تۇيىندەدى ءسوزىن نازاربايەۆ.

ايتا كەستەك، رەسەيدە پرەزيدەنت سايلاۋى 18 ناۋرىزدا وتەدى.