قۇقىققورعاۋشى ءسالىم وتەن اقتوبە اكىمدىگى الدىندا وزىنە قول سالعان بايبەك قارىمساقوۆتىڭ ءولىمى تۋرالى ءىستىڭ ءمان-جايىن ايتىپ بەردى، دەپ حابارلايدى Qamshy.kz اقپارات اگەنتتىگى 31 ارنانىڭ دەرەگىن نەگىزگە الا وتىرىپ.

8 قاڭتاردا ساعات 17.30–دا 34 جاستاعى پوليسيا قىزمەتكەرى بايبەك قارىمساقوۆ اقتوبە اكىمدىگى عيماراتىن كۇزەتۋ بارىسىندا وز-وزىنە قول سالدى. ەر ادامنىڭ دەنەسى جۇمىس كۇنى اياقتالعان سوڭ تابىلعان.

قۇقىققورعاۋشى ءسالىم وتەن اقتوبەگە ارنايى بارىپ، ادۆوكات جالداپ، قايعىلى وقيعا بولعان جەردى ءوزى تەكسەردى. ونىڭ كوكەيىندە وقتىڭ ۇشۋ تراەكتورياسىنا قاتىستى سۇراقتار تۋىنداعان. ايتا كەتۋ كەرەك، وقيعا ورنىندا وق تابىلماعان بولاتىن. ءسالىم وتەننىڭ ايتۋىنشا، پوليسەيدى ابايسىزدا اتىپ العان بولۋى دا مۇمكىن. 

«قاننىڭ ءىزى جوق. دەنەسى ۇستەلدە جاتتى دەگەن بولاتىن. ءبىراق ۇستەل جوق. ەدەندە دە قان ءىزى بولۋى ءتيىس ەدى. ەگەر وق تەسىپ شىقسا، قان شاشىرايدى عوي»، — دەيدى ءسالىم وتەن.

بۇدان بۇرىن مارقۇمنىڭ ايەلى كۇيەۋىنىڭ سۋيسيد جاساعانىنا سەنبەيتىنىن ايتقان بولاتىن. ونىڭ ويىنشا، كۇيەۋىن ءوزىن-وزى ولتىرۋگە بىرەۋ جەتكىزگەن نەمەسە اتىپ كەتكەن.