مەملەكەتتىك باسشىسىنىڭ 5 الەۋمەتتىك باستاماسىنا سايكەس «قىزىلوردا-جەزقازعان-قاراعاندى-تەمىرتاۋ-استانا» باعىتىندا «سارىارقا» گاز قۇبىرىن قارجىلاندىرۋ ماسەلەسى بويىنشا ماگيسترالدىك گاز قۇبىرىنىڭ قۇرىلىسى 2018 جىلى شىلدەنىڭ باسىنا جوسپارلاندى. بۇل تۋرالى ۇكىمەت وتىرىسىندا ق ر ەنەرگەتيكا ءمينيسترى قانات بوزىمبايەۆ ايتتى.

«2018 جىلعى مەملەكەت باسشىسىنىڭ 5 الەۋمەتتىك باستاماسىن ورىنداۋ ماقساتىندا قىزىلوردا، تەمىرتاۋ، استانا، قاراعاندى اكىمشىلىكتەرى «سامۇرىق-قازىنا» ۇلتتىق ءال-اۋقات قورى» اكسيونەرلىك قوعامىنىڭ قاتىسۋىمەن كەڭەس وتكىزدى. مەنىڭ توراعالىعىممەن جۇمىس توبى قۇرىلدى»، - دەدى بوزىمبايەۆ.

«بىرىنشىدەن، قىزىلوردا، تەمىرتاۋ، استانا، قاراعاندى باعىتىندا ماگيسترالدىك گاز قۇبىرى ءۇشىن جەر ءبولۋ ماسەلەلەرى قارالادى. ەكىنشىدەن، جوبانىڭ سحەماسى مەن قارجىدلاندىرۋ ماسەلەلەرىن انىقتاۋ قاجەت. سونداي-اق، جوبانى جۇزەگە اسىرۋ ءۇشىن جوبالىق ۇيىمدار قۇرىلۋ كەرەك.

ماگيسترالدىك گاز قۇبىرىنىڭ قۇرىلىسى 2018 جىلى شىلدەنىڭ باسىنا جوسپارلاندى. تۇتىنۋشىلاردى گازبەن قامتاماسىز ەتۋ ماقساتىندا گاز تاراتۋ جەلىلەرىن جوبالاۋ مەن سينحرونداۋدى تەزدەتۋ قاجەت. جەرگىلىكتى گاز تاراتۋ جۇيەلەرى كەزەك-كەزەك سالىناتىن بولادى»، - دەدى ەنەرگەتيكا ءمينيسترى.