قازاقستاننىڭ ىشكى ىستەر ءمينيسترى قالمۇحانبەك قاسىموۆ اقتوبە وبلىسىندا اۆتوبۋستا 52 ادامنىڭ تىرىدەي ورتەنىپ كوز جۇمعانىنا قاتىستى تەرگەۋ ارەكەتتەرىنىڭ قالاي ءجۇرىپ جاتقانىن ايتىپ بەردى دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە بەرىپ.

«ءۇش ادام قاماۋعا الىندى. ول جەردە دالەلدەۋ كەرەك. ءبىز اۆتوبۋس يەسىنە شاعىمدانۋىمىز كەرەك. ول ءقازىر شەتەلدە ءجۇر. سۇراقتار وتە كوپ. تەرگەۋ سوت ۇكىمىتن شىعارعان سوڭ بىتەدى»،-دەدى ق.قاسىموۆ.

ەسكە سالساق، 18 قاڭتاردا اقتوبە وبلىسىنىڭ ىرعىز اۋدانىندا جولاۋشىلار اۆتوبۋسى ورتەنىپ، 52 ادام قازا تاۋىپ، بەس ادام قۇتقارىلعان. اۆتوبۋس وقو-نىڭ سارىاعاش اۋدانى جىبەك جولى اۋىلىنان قازانعا قاراي باعىتتا جول ءجۇرىپ كەلە جاتقان.

كوز جۇمعانداردىڭ بارلىعى ەر ادامدار. ولاردىڭ ەڭ ۇلكەنى- 41، ەڭ جاسى كىشىسى-19-دا بولعان.

اۆتوبۋس مەحتييەۆ وردۋحان سابىروگلىنىڭ اتىنا جازىلعان بولىپ شىقتى. ونىڭ جولاۋشىلار تاسىمالداۋعا رۇقساتى بولمaعانى انىقتالدى.