رەسەي پرەزيدەنتى امەريكالىق NBC تەلەارناسىنا سۇحبات بەردى. سۇحبات بارىسىندا مەملەكەت باسشىسى بولعان ساتتەن باستاپ  وزىنەن كەيىن ەل پرەزيدەنتى بولاتىن ادامدى  ويلاپ جۇرگەنىن ايتتى. بۇل جايىندا Vesti.ru جازدى.

سونىمەن قاتار رەسەي پرەزيدەنتى تاڭداۋدى حالىق جاسايتىنىن ايتىپ ءوتتى.

— 2000 جىلدان باستاپ ويلاپ ءجۇرمىن. ويلاعاننىڭ ەش ابەستىگى جوق، تۇپتەپ كەلگەندە تاڭداۋدى حالىق جاسايدى. مەنىڭ كوڭىلىمنەن شىقسىن، شىقپاسىن رەسەي فەدەراسياسىنىڭ حالقى شەشىم شىعارادى، ءوز تاڭداۋلارىن جاسايدى، - دەدى ۆلاديمير پۋتين.

 ءپۋتيننىڭ ويىنشا، وزىنەن كەيىن بيلىككە كەلەتىندەر ەلدى قۇرتۋدى ويلامايدى.

— مەنەن كەيىن بيلىككە كەلەتىندەر رەسەيدىڭ كۇشەيۋىنە، بولاشاقتا جاستاردىڭ جاعدايىن جاساۋعا كۇش سالۋى دا مۇمكىن،- دەدى پۋتين.

ەل پرەزيدەنتىنىڭ ايتۋىنشا، رەسەيدى قۇرتقىسى كەلەتىندەردىڭ قاتارىندا اقش بار.