باقىتجان ساعىنتايەۆ «شيەۆرون ەۋروپا، ەۋرازيا، تاياۋ شىعىس. بارلاۋ جانە ءوندىرۋ» پرەزيدەنتى تودد ليەۆيمەن كەزدەسۋ وتكىزدى دەپ حابارلايدى Qamshy.kz اقپارات اگەنتتىگى.

كەزدەسۋ بارىسىندا مۇناي-گاز سالاسىنداعى كومپانيامەن ىنتىماقتاستىقتى ودان ءارى جالعاستىرۋ ماسەلەلەرى تالقىلاندى. اتاپ ايتقاندا، «تەڭىزشيەۆرويل» ج ش س، قاراشىعاناق جوباسى جانە كاسپيي قۇبىر كونسورسيۋمى بويىنشا ءوزارا ءىس-قيمىل ماسەلەلەرى قارالدى.

«شيەۆرون» كومپانياسى «Pacific Oil Coast Co» اتاۋىمەن 1879 جىلى قۇرىلعان. شتاب-پاتەرى سان-رامون قالاسىندا ورنالاسقان (كاليفورنيا، اقش)، وپەراسيالارى الەمنىڭ 180 ەلىندە جۇرگىزىلەدى. قىزمەتكەرلەر سانى شامامەن 62 مىڭ ادام. كومپانيا كاپيتالى $232 ملرد قۇرايدى.

قازاقستاندا «شيەۆرون» «تەڭىزشيەۆرويل» جشس-نا (50%)، قاراشىعاناق جوباسىنا (18%)، كاسپيي قۇبىر كونسورسيۋمىنا (15%) قاتىسادى. «تەڭىزشيەۆرويل» ج ش س (تشو) جوباسى تۋرالى كەلىسىمگە 1993 جىلعى 2 ساۋىردە ق ر مەن «شيەۆرون» كومپانياسى اراسىندا قول قويىلدى. كومىرسۋتەگىن بارلاۋ جانە وندىرۋگە ارنالعان ليسەنزيا تشو-عا 1993 جىلى 40 جىل مەرزىمگە بەرىلدى. 2018 جىلعا ارنالعان مۇناي ءوندىرۋ جوسپارى 27،8 ملن توننانى قۇرايدى.