15 ناۋرىزدان باستاپ، «قازاقستان» رترك» قۇرامىنا ەنەتىن «Balapan» تەلەارناسىنىڭ كوكتەمگى ماۋسىمى اشىلادى، دەپ حابارلايدى Qamshy.kz اقپارات اگەنتتىگى.

جاڭا ماۋسىم اياسىندا 9 جاڭا تەلەجوبا كورەرمەنگە جول تارتادى. «جاڭا ماۋسىمدا تەلەارنا عىلىم سالاسىنا دەن قويىپ وتىر. IT تەحنولوگيالاردىڭ قىر-سىرى مەن عىلىمي تاجىريبەلەر «جاس عالىم» اتتى جاڭا تانىمدىق باعدارلامادا كورىنىس تابادى. ال اكەسى مەن ۇلىنىڭ اراسىنداعى قىزىقتى ويىنعا قۇرىلعان «بالا بوپ»، تانىمال بلوگەر انالار مەن بالالارى قاتىساتىن «ۇيدەمىز - ۇيرەنەمىز» جوبالارى كورەرمەندەرگە ۋاقىتتى ءتيىمدى ءارى پايدالى وتكىزۋدىڭ ۇلگىسىن كورسەتەدى»، - دەلىنگەن مينيسترلىكتىڭ رەسمي حابارلاماسىندا.

سونىمەن قاتار، تەلەارنا ونەر-بىلىم، سپورت سالالارىنداعى ۇزدىك بالالاردىڭ جەڭىسكە جەتۋ جولىن باقىلايتىن «كۇندەلىك» باعدارلاماسى كورەرمەنگە جول تارتادى. مەيماندارعا تانىستىرىلعان كەزەكتى ءبىر جوبا - «قالامگەر كىتاپحاناسى». اتى ايتىپ تۇرعانداي، بۇل حابار تانىمال اقىن-جازۋشىلاردىڭ كىتاپحانالارى مەن ۇزدىك تۋىندىلارىنىڭ جازىلۋ تاريحىمەن تانىستىرادى. جاڭا ماۋسىمداعى تاعى ءبىر ەرەكشە باعدارلامالاردىڭ ءبىرى - «مۇمكىندىك».

  جوبادا بالالار ءبىر كۇن بويى ءتۇرلى كاسىپ يەلەرىمەن، ولاردىڭ جۇمىس بارىسىمەن تانىسا الادى. تاعى ءبىر ايتا كەتەرلىگى، كوكتەمگى ماۋسىمدا ارنانىڭ كىشكەنتاي جيھانكەز كورەرمەندەرى «ساياحاتشى balapan» جوباسىنا وزدەرىنىڭ شەت ەلگە ساياحاتى جايلى شاعىن بەينەۇزىكتەر ازىرلەپ، جولداي الادى. وسىلايشا بالالار دا ارنانىڭ كونتەنتىن جاساۋعا تىكەلەي اتسالىسادى. سونىمەن بىرگە، تەلەارنا تاريحىندا تۇڭعىش رەت اتا-انالارعا ارنالعان تىكەلەي ەفيردەگى «Bala time» باعدارلاماسىنىڭ تۇساۋى كەسىلەدى.