قازاقستان مەن جۇڭگو بىرلەسىپ قورعاس وزەنىندە سەل ۇستايتىن بوگەت سالماق، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىنە سۇيەنىپ. 

بۇگىن ءماجىلىس «قازاقستان رەسپۋبليكاسىنىڭ ۇكىمەتى مەن جۇڭگو حالىق رەسپۋبليكاسىنىڭ ۇكىمەتى اراسىنداعى  قورعاس وزەنىندە «شۇكىربۇلاق (المالى)» بىرلەسكەن سەل ۇستايتىن بوگەتىن سالۋداعى ىنتىماقتاستىق تۋرالى كەلىسىمدى راتيفيكاسيالاۋ تۋرالى» زاڭ جوباسىن جۇمىسقا قابىلدادى. 

«كەلىسىمگە سايكەس ءار تاراپ جوبانىڭ جالپى قۇنىنىڭ ەلۋ پايىزىن موينىنا الاتىن بولادى. ەكولوگيا ماسەلەلەرى جانە تابيعات پايدالانۋ كوميتەتى زاڭ جوباسىن جۇمىسقا قابىلداپ، ول بويىنشا 2018 جىلدىڭ 12 جەلتوقسانىنا دەيىن قورىتىندى ازىرلەۋگە دايىن»، — دەدى ءماجىلىستىڭ جالپى وتىرىسىندا كوميتەت ءتوراعاسى گلەب ششەگەلسكيي. 

كەلىسىمگە 2017 جىلى 8 ماۋسىمدا استانادا قول قويىلعان.