قوعام بەلسەندىسى ناعاشىباي ەسمىرزا ابايدىڭ ءرولىن سومداپ جۇرگەن اكتەر ەرلان ءبىلالدى سىنعا الدى دەپ جازادى Qamshy.kz اقپارات اگەنتتىگى. ول ءوز پىكىرىن ۆيدەو ارقىلى جەتكىزىپ، Facebook-تاعى ءوزىنىڭ پاراقشاسىندا جاريالادى. ونىڭ ايتۋىنشا، پارا الىپ ۇستالعان ەرلان ءبىلال تەاتردا ويناۋعا، ابايدىڭ ءرولىن سومداۋعا لايىق ەمەس.
«ادامنىڭ بەتى قالىڭ بولسا، قيىن ەكەن عوي. كەشە جاڭالىقتاردان ەرلان ءبىلالدىڭ تەاتردا اباي بەينەسىن سومداپ جۇرگەنىن كورسەتتى. قىلمىسكەر ەكەندىگى (پارا الۋ – قىلمىس) سوت ارقىلى دالەلدەنگەن ادامنىڭ ابايدى سومداۋعا قالاي بەتى بارادى؟ ونىڭ ورنىندا مەن بولسام، ەكى قولىمدى توبەمە قويىپ قاڭعىپ كەتەر ەدىم. بولماسا، اسىلىپ ولەر ەدىم… ءبىز قازاق ولىمنەن ۇيات كۇشتى دەپ وسكەن حالىقپىز»، — دەيدى ناعاشىباي ەسمىرزا.
