16 ناۋرىزدا «تۇمار» ۇلتتىق تەليەۆيزيالىق بايگەسىنىڭ جەڭىمپازدارىن سالتاناتتى تۇردە ماراپاتتاۋ ءراسىمى وتەدى. بۇل تۋرالى ق ر اقپارات جانە كوممۋنيكاسيالار ءمينيسترى داۋرەن ابايەۆ مالىمدەدى، دەپ حابارلايدى Qamshy.kz اقپارات اگەنتتىگى.

«رەسپۋبليكالىق، ايماقتىق تەلەارنالاردا ەڭبەك ەتىپ جۇرگەن شىعارماشىلىق توپتاردى ىنتالاندىرۋ ماقساتىندا قولعا الىنعان بۇل شارا وسىمەن ەكىنشى رەت ۇيىمداستىرىلعالى وتىر. 

بيىل «تۇمار» بايگەسى قازاق تەليەۆيزياسىنىڭ 60 جىلدىق مەرەيتويى اياسىندا وتەتىنى دە وتە قۋانىشتى. ويتكەنى بۇل كۇندى ەل جۋرناليستيكاسى ءۇشىن ايتۋلى داتا دەسەك تە قاتەلەسپەيمىز»، - دەدى داۋرەن ابايەۆ.

سونداي-اق مينيستر  تەليەۆيزيا سالاسىندا قىزمەت ەتكەن جانە ەڭبەك ەتىپ كەلە جاتقان مايتالمانداردى قازاق تەليەۆيزياسىنىڭ 60 جىلدىعىمەن قۇتتىقتادى.

«60 جىل از ۋاقىت ەمەس. وسى ۋاقىت ارالىعىندا قازاق تەليەۆيزياسى جان-جاقتى ءوستى. وسى ورايدا وتاندىق تەليەۆيزيا سالاسىن دامىتۋعا بار كۇش-جىگەرىن جۇمساعان ارداگەرلەرىمىزدى ۇلىقتاۋ، ەڭبەكتەرىن ۇمىتپاۋ ءبىزدىڭ باستى مىندەتىمىز. 

الماتىدان ەڭ العاش بارشا جۇرتقا حابار تاراتقان ديكتورلار مەن رەداكتورلاردىڭ، تەحنيكالىق توپتىڭ اتقارعان يگى ىستەرى ەلدىڭ ەسىندە. قازاق تەليەۆيزياسىنىڭ ءار سالاسىندا ءتۇرلى قىزمەت جاساعان ءالى دە ەڭبەك ەتىپ كەلە جاتقان اعا-اپالارىمىزدىڭ ونەگەلى ءىسىن جاس ۇرپاققا ۇلگى ەتۋگە ءتيىسپىز. تەلە سالا ارداگەرلەرىنىڭ اراسىندا ومىردەن ءوتىپ كەتكەن مايتالمان ماماندار دا بولدى. ول تۇلعالارىمىزدىڭ بەينەسى مەن داۋىسى، قولتاڭباسى ارحيۆتە ساقتاۋلى. 

ءالى كۇنگە دەيىن جاس جۋرناليستەردىڭ بويىنا بىلگەن-تۇيگەنىن، مول تاجىرەبيەسىن ءسىڭىرىپ جۇرگەن كوريفەيلەرىمىز بار. ءماتىن زەرگەرلەرى مەن ءسوز شەبەرلەرىن، رەجيسسەر، وپەراتورلاردى قازاق تەليەۆيزياسىنىڭ 60 جىلدىعىمەن شىن جۇرەكتەن قۇتتىقتايمىن! 

ەلىمىزدىڭ ەفيرىندە جۇرگەن بارلىق بۋىن ۇلكەن قۇرمەتكە لايىق. سىزدەرگە زور دەنساۋلىق پەن شىعارماشىلىق تابىس تىلەيمىن!»، - دەدى مينيستر.