Windows-قا ارنالعان ياندەكس.براۋزەردە ياندەكستە جاسالعان، داۋىستى تۇسىنەتىن كومەكشى – اليسا پايدا بولدى. ەندى ادامدار براۋزەردەگى جانە كومپيۋتەردەگى كوپ جۇمىستى جىلدامىراق اتقارا الادى – داۋىستاپ تاپسىرما بەرىپ، سۇيىكتى ءانىن قوسا الادى، اۋا رايى بولجامىن، جاڭالىقتار مەن ۆاليۋتا باعامىن سۇراي الادى، سايتتار مەن پروگراممالاردى اشا الادى، كومپيۋتەردى ءسوندىرىپ نەمەسە قايتا قوسا الادى.

ياندەكس.براۋزەر داۋىستى ۇعاتىن كومەكشىسى بار العاشقى براۋزەر اتانىپ وتىر. ازىرشە بۇل – العاشقى قادام عانا، ءبىراق ءقازىردىڭ وزىندە كومپيۋتەرمەن ءتىرى ادامداي سويلەسۋگە – اڭگىمەلەسۋگە نەمەسە وعان ءوتىنىش ايتۋعا بولادى. مىسالى: «اليسا، بەشبارماقتىڭ رەسەپتىن ايتىپ جىبەرشى»، «سوڭعى جابىلعان قوسىمشا بەتتى اششى» نەمەسە «دىبىستى ءوشىرشى» دەپ تاپسىرما بەرۋگە بولادى. اليسا بارلىق اداممەن، اسىرەسە، بالالارمەن وڭاي ءتىل تابىسادى: ول كوپ ويىندى بىلەدى جانە قالالاردى اتاۋدان نەمەسە ءسوز قۇراستىرۋدان سايىسقا تۇسۋگە دايىن.

 «ادامدار داۋىستى تەحنولوگيالاردى ءارتۇرلى جاعدايدا قولدانادى: داۋىستاپ ايتىپ، ءجۇرۋ باعىتىن تۇزەدى، ءبىر جاققا كەتىپ بارا جاتىپ، الدەنەنى ىزدەي سالادى، كولل-ورتالىق روبوتتارىمەن سويلەسەدى. داۋىسپەن باسقارۋ – ادامنىڭ تەحنيكامەن قاتىناسىنىڭ ەڭ تابيعي ءارى قاراپايىم تاسىلدەرىنىڭ ءبىرى، سوندىقتان ءبىز اليسانى ياندەكس سەرۆيستەرىنە قوستىق. ول ءقازىر سمارتفوننان ميلليونداعان ادامعا كومەكتەسىپ وتىر، ەندى كومپيۋتەرگە اۋىسادى. كەلەشەكتە ول ءتۇرلى قۇرىلعىدان ادامنىڭ تولىققاندى ءارى جەكە اسسيستەنتى بولۋعا تالپىنادى»، - دەيدى دەسكتوپقا ارنالعان ياندەكس.براۋزەر جەتەكشىسى رومان يۆانوۆ.

اليسا ءقازىر Windows-قا ارنالعان براۋزەردىڭ جاڭا نۇسقاسىندا. ونىمەن اڭگىمەلەسۋگە، ال بۇعان مۇمكىندىك جوق كەزدە، جازباشا تىلدەسۋگە بولادى. ەگەر قولدانۋشى داۋىستى تۇسىنەتىن كومەكشىنى مۇلدەم قاجەت ەتپەسە، ونى براۋزەردىڭ باپتاۋىنان الىپ تاستاۋ وڭاي.

ايتا كەتەيىك، اليسا — نەيرون جەلىلەرى تەحنولوگياسى نەگىزىندە جاسالعان، داۋىستى تۇسىنەتىن اقىلدى كومەكشى. اليسا اياقاستى شەشىم قابىلداي الادى جانە وزىنە ءتان مىنەزى بار. ونى iOS جانە Android قۇرىلعىلارىندا، سونىمەن بىرگە Windows-قا ارنالعان ياندەكس.براۋزەردە قولدانۋعا بولادى.