ۋلان-ۋدە قالاسىنىڭ تۇرعىنى ءوزىنىڭ بوتەلكەلەسىن ءولتىرىپ، دەنەسىن بولشەكتەپ قاشىپ كەتكەن. الايدا قىلمىسكەر ەر ادامنىڭ كەسىلگەن باسى سالىنعان پاكەتكە ءوزىنىڭ ۇيالى ءنومىرى جازىلعان قازعازدى بايقاۋسىزدا سالىپ جىبەرگەندىكتەن تەز ارادا ۇستالعان. بۇل تۋرالى نتۆ حابارلايدى.
قىلمىس بىلتىرعى جىلدىڭ قىسىندا ورىن العان. الايدا ەر ادامنىڭ قىلمىسى تەك وسى جىلى عانا دالەلدەلگەن. رەسەيدە ورنالاسقان ۋلان-ۋدە قالاسىنىڭ تۇرعىنى 27 جاستاعى ەر ادامعا قوناققا تانىسى كەلگەن. ىشىمدىككە سىلقيا تويعان ەكەۋىنىڭ اراسىندا ءبىراز ۋاقىتتان سوڭ جانجال ورناپ، ءۇي يەسى قوناعىن باۋىزداپ سالعان.
بۋرياتيا رەسپۋبليكسىنان كەلگەن اقپاراتقا سايكەس: «قىلمىسكەر ەر ادامنىڭ دەنەسىن بالكونعا شىعارىپ، ونى قاتىرماقشى بولعان. ءبىر اپتا وتكەن سوڭ دەنەسىن بولشەكتەپ، ءار بولىگىن پاكەتكە سالىپ قوقىسقا لاقتىرعان».
ءبىراز ۋاقىتتان كەيىن ادامدار قوقىستاعى دەنە بولىكتەرىن تاۋىپ العان. قىلمىسكەر قۇربانىنىڭ باسىن سالعان پاكەتكە بايقاماي ءوزىنىڭ تەلەفون ءنومىرى جازىلعان قاعازدى سالىپ جىبەرگەن. پوليسيا ونى وسى ءنومىر ارقىلى تاۋىپ، پاتەرىندەگى ەر ادامنىڭ قالعان دەنە بولىكتەرىن تابۋ ارقىلى قىلمىسىن دالەلدەدى.
