سۋىقتا قاتىپ قالعان پاۆلودارلىقتىڭ ءىسىن تەرگەۋ جۇمىستارىنىڭ تالاپقا ساي جۇرگىزىلمەگەنى ءۇشىن ءىىد مەن پروكۋراتۋرا قىزمەتكەرى ايىپتالۋى مۇمكىن، دەپ حابارلايدى قازاقپارات پاۆلودار وبلىستىق پروكۋراتۋراسىنا سىلتەمە جاساپ.

وسى ماسەلەگە بايلانىستى جاريالانعان مالىمەتتەردە 2017 جىلدىڭ 16 جەلتوقسانى كۇنى ەر ازاماتتىڭ دەنەسىنىڭ تابىلۋىنا بايلانىستى ءىستى قالالىق ىشكى ىستەر باسقارماسى ق ر قك-نىڭ 279 بابى، 1 تارماعى بويىنشا (ساۋلەت، قالا قۇرىلىسى جانە قۇرىلىس سالالارى بويىنشا نورماتيۆتەر مەن تالاپتاردى جانە ەرەجەنى بۇزۋ) تەرگەگەندىگى ايتىلادى.

 «ىشكى ىستەر ورگانىنىڭ وكىلدەرى قىلمىستىق قۇقىقبۇزۋشىلىقتى جاساعان ادامنىڭ جەكە تۇلعاسىنىڭ انىقتالماۋىنا بايلانىستى 2018 جىلدىڭ 30 قاڭتارىندا قاجەتتى تەرگەۋ ارەكەتتەرىنسىز سوتقا دەيىنگى تەرگەۋ جۇمىستارىنىڭ مەرزىمىن بۇزۋ تۋرالى شەشىم قابىلداعان. اتالعان قاۋلىنىڭ كۇشىن پروكۋراتۋرا 7 ناۋرىز كۇنى جويىپ، ول بويىنشا ءتيىستى مىندەت جۇكتەلىپ، پروسەسسۋالدى پروكۋرور تاعايىندالدى. جىبەرىلگەن كەمىشىلىكتەر مەن زاڭسىز پروسەسسۋالدىق شەشىم ءۇشىن تەرگەۋشىگە قاتىستى تارتىپتىك ءوندىرىس قوزعالدى»،-دەپ حابارلادى ۆەدومستۆونىڭ باسپا ءسوز قىزمەتى.

بۇعان قوسا وسى ءىستى انىقتاۋمەن اينالىسقان پروكۋراتۋرا قىزمەتكەرى جازالاندى. «تەرگەۋ جۇمىستارىن وبلىس پركۋراتۋراسى قولعا الدى»،-دەپ حابارلادى ۆەدومستۆو وكىلدەرى. ايتا كەتەيىك، وقيعا پالودار قالاسىنىڭ كامزين كوشەسىندە №106 ءۇي الدىندا بولدى.

پوليسيا وكىلدەرىنىڭ حابارلاۋىنشا، ەر ازاماتتىڭ ءمايىتى 2،5 تەرەڭدىكتەگى شۇڭقىردا جاتقان. سوت-مەديسينالىق ساراپتاما قورىتىندىلارىنا سايكەس، ازامات سۋىقتان قاتىپ قالعان. 38 جاستاعى ەۆگەنيي ءيليننىڭ دەنەسى 16 جەلتوقساندا ساعات 12-50-دە تابىلعان. ونىڭ قاڭعىباس ەمەس ەكەنى بەلگىلى بولدى.