اقش-تىڭ فلوريدا شتاتىندا ءجاسوسپىرىم قۇران وقىپ، جيھادقا شاقىراتىن ۆيدەو كورگەننەن سوڭ قاسىنداعى جولداسىن باۋىزداپ تاستاعان دەپ حابارلايدى لەنتا.رۋ.

17 جاستاعى كوري دجونسون ءوزىنىڭ دوستارى 17 جاستاعى كايل بەنكروفت پەن ونىڭ 13 جاستاعى ءىنىسى دەين بەنكروفتتىڭ ۇيىندە قونعان. بەلگىلى بولعانداي، سول ءتۇنى جاسوسپىرىمدەر تانىستارىنىڭ تۋعان كۇنىن تويلاعان. قىلمىسكەر پوليسياعا 12 ناۋرىز تاڭعى  4-تە  ادام ءولتىرۋدى قالاپ ويانعانىن جەتكىزگەن.

دجونسون وزىمەن بىرگە الىپ كەلگەن پىشاقپەن 13 جاستاعى تۋعان كۇن يەسىن (دجوۆانني سيەررۋ) پىشاقتاپ، باۋىزداعان. قىلمىسكەر  ايقايدى ەستىپ، كومەككە كەلمەك بولعان بالالاردىڭ اناسىنا دا تاپ بەرىپ، وعان 12 جەرىنەن پىشاق سۇققان. اناسىنا كومەككە كەلگەن دوسىنىڭ ءىنىسى دەيندى 32 جەرىنەن پىشاقتاعان.

پوليسيانى وتباسىنىڭ كورشىلەرى شاقىرعان. تۋعان كۇن يەسى وقيعا ورنىندا كوز جۇمدى، 17 جاستاعى قىلمىسكەر  زارداپ شەكپەدى،  اناسى جانە ونىڭ ەكى بالاسىنىڭ جاعدايى جامان ەمەس.

مالىمەتتەرگە سۇيەنسەك، جەتكىنشەك دوستارىن ولارمەن بىردەي ءدىني كوزقاراستا بولماعانى  ءۇشىن ولتىرگەن. كوري دجونسوننىڭ ايتۋىنشا، تۋعان كۇن يەسى (دجوۆانني سيەررۋ) تانىمال ادامداردى قۇدايعا تەڭەگەندىكتەن، ال دەين برەكفورد ءدىنىن كەمسىتكەنى ول ءۇشىن قاتتى قورلانعان. سونىمەن بىرگە، قىلمىس جاساعانعا دەيىن جەتكىنشەكتىڭ قۇران وقىپ، جيھادقا شاقىرۋ ۆيدەوسىن كورگەنى بەلگىلى بولدى.

بۇعان دەيىن جەتكىنشەك «دايش» تەرروريستىك ۇيىمىمەن بايلانىسقا شىعۋعا تىرىسقان.