جامبىل وبلىسى قىلمىستىق ىستەر جونىندەگى مامانداندىرىلعان اۋدانارالىق سوتى بانكير ەرجان تاتىشيەۆتىڭ ولىمىنە قاتىستى قىلمىستىق ءىس بويىنشا ۇكىم شىعاردى، دەپ حابارلايدى Qamshy.kz اقپارات اگەنتتىگى. 

ناۋرىزدىڭ 16-سى كۇنى جامبىل وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتى 51 جاستاعى بيزنەسمەن مۇراتحان ءتوقماديدى 10 جىل التى ايعا باس ەركىندىگىنەن ايىرۋعا ۇكىم شىعاردى. سوت ونى 2004 جىلى بۇرىنعى "تۇرانالەم بانك" جەتەكشىسى ەرجان تاتىشيەۆتى تاپسىرىس بويىنشا اتىپ ولتىرگەنى ءۇشىن ايىپتى دەپ تانىدى. سوت ۇكىمىنە سايكەس، ءتوقمادي جازاسىن قاتاڭ تارتىپتەگى كولونيادا وتەيتىن بولادى.

— بيزنەسمەن بۇرىن ۇيىمداسقان قىلمىستىق توپ باسشىسى بولعان، 2004 جىلى بانكير ەرجان تاتىشيەۆتى ءولتىردى دەپ ايىپتالعان مۇراتحان ءتوقمادي 10 جىل 6 ايعا باس بوستاندىعىنان ايىرىلدى. وسى مەرزىمگە 2017 جىلى الماتى قالاسى المالى اۋداندىق سوتى شىعارعان ۇكىمنىڭ مەرزىمى دە كىرەدى. م. ءتوقمادي جازانى قاۋىپسىزدىگى بارىنشا كۇشەيتىلگەن مەكەمەدە وتەيتىن بولدى، - دەپ مالىمدەدى سوتقا ءتوراعالىق ەتكەن ازامات تىلەپوۆ.

ايتا كەتسەك، پروكۋرور مۇراتحان ءتوقماديدى 11 جىل جانە 6 ايعا باس بوستاندىعىنان ايىرۋدى سۇراعان بولاتىن.