بۇگىن 7 جاستاعى زورلاندى دەگەن بالاعا قاتىستى وتكەن كونفەرەنسيادا  وقو تۇرعىنىنىڭ ادۆوكاتى باۋىرجان ازانوۆ "بالانىڭ اۋرۋعا شالدىققان بولۋ مۇمكىن بە؟" دەگەن جۋرناليستەردىڭ سۇراعىنا، دارىگەر ەمەس ەكەندىگىن، سوندىقتان ناقتى ايتا المايتىنىن، دەسە دە ونداي اقپاراتتىڭ بارىن ايتتى، دەپ جازادى  Qamshy.kz اقپارات اگەنتتىگى.

بالانىڭ قويانشىق اۋرۋىنا شالدىققان بولۋى مۇمكىن ەكەنىن دە جاسىرمادى.

زاڭگەر كوپ ۋاقىتتان بەرى بالانىڭ اجەسىمەن دە، اناسىمەن دە بايلانىسقا شىعا الماي وتىرعانىن ايتادى. تەك كەشە تۇنگى ەكىلەر شاماسىندا اجەسىنە حابارلاسا العان، الايدا اجەسى قايدا ەكەندەرىن تۇسىندىرە الماعان.

باۋىرجان ازانوۆ كونفەرەنسيادان شىققاننان كەيىن بىردەن استاناعا بالا مەن ونىڭ اجەسىنە باراتىنىن ايتادى. الايدا ولاردىڭ ناقتى مەكەن جايىن بىلمەيتىنىن جەتكىزدى.

باۋىرجان ازانوۆتىڭ ايتۋىنشا، ول بالانىڭ زاڭگەرى بولا تۇرا، بالامەن دە ونىڭ زاڭدى وكىلدەرىمەن دە كەزدەسە الماي ءجۇر.