«تۇمار»  ۇلتتىق تەليەۆيزيالىق بايگەسىنىڭ سالتاناتتى ماراپاتتاۋ ءراسىمى 2018 جىلدىڭ 16 ناۋرىزىندا قازمەديا ورتالىعىندا وتەدى، دەپ جازادى Qamshy.kz اقپارات اگەنتتىگى.  بيىلعى جىلعى سالتاناتتى ءىس-شارا قازاق تەليەۆيزياسىنىڭ 60-جىلدىعىنا ارنالادى. تىلشىلەر، تەليەۆيزيا قىزمەتكەرلەرى، مەملەكەت جانە قوعام قايراتكەرلەرى مەن ەسترادا جۇلدىزدارىنا قوسا سالتاناتتى كەشكە قازاق تەليەۆيزياسىنىڭ ارداگەرلەرى دە شاقىرىلدى.

اعىمداعى جىلعى بايگەگە 14 نوميناسياي بويىنشا وتىنىمدەر قابىلداۋ 15-قاڭتار مەن 1-ناۋرىز ارالىعىندا جۇرگىزىلدى. ولاردىڭ ىشىندە قازاق تەليەۆيزياسىنىڭ 60 - جىلدىعى مەن استانانىڭ 20 جىلدىعىنا ارنالعان ەرەكشە نوميناسيالار بار. سونىمەن قاتار «ۇزدىك وپەراتورلىق جۇمىس»، «جىدىڭ ۇزدىك تەلەجۇرگىزۋشىسى»، «جىلدىڭ ۇزدىك تەلەجۋرناليسى»، «ۇزدىك رەجيسسەرلىك جۇمىس» جەكە نوميناسيالارى.

«تۇمارعا» وتىنىمدەردى قابىلداۋ تولىعىمەن اۆتوماتتاندىرىلىپ، kaztube.kz پورتالىنىڭ نەگىزىندە جۇزەگە اسىرىلعان بولاتىن. بايگەگە قاتىسۋشىلاردىڭ اسا جوعارى بەلسەندىلىكتەرىن اتاپ ءوتۋ كەرەك. وتىنىمدەردى قابىلداۋ كەزەڭىندە kaztube.kz پورتالىنا كىرۋشىلەر سانى 80%-عا ءوستى، ال وتىنىمدەر سانى بىلتىرعى كورسەتكىشكە قاراعاندا 1،6 ەسەگە ارتتى (240 ءوتىنىم).

2018 جىلى «تۇمارعا» 397 كونكۋرستىق جۇمىس كەلىپ ءتۇستى. ولاردىڭ ىشىندە قازىلار القاسى بايگە ەرەجەسىنىڭ تالاپتارىنا سايكەس رەسىمدەلگەن 355 كونكۋرستىق ءوتىنىمدى قاراۋعا قابىلدادى.

 وڭىرلىك تۇرعىدا اقتوبە، الماتى، قاراعاندى، باتىس جانە شىعىس قازاقستان وبلىستارىنىڭ تەلەارنالارى كوبىرەك بەلسەندىلىك تانىتتى.

نومينانتتار اراسىنان ەڭ كوپ قابىلدانعان جۇمىستار كەلەسى نوميناسيالاردا: «ۇزدىك دەرەكتى كينو»، «ۇزدىك اعارتۋشىلىق باعدارلاما»، «ۇزدىك الەۋمەتتىك باعدارلاما»، «ۇزدىك ويىن-ساۋىق جوباسى».

بايگەنىڭ قازىلار القاسىنا جۋرناليستيكا مەن تەلەراديو حابار تاراتۋ سالالارىنداعى كاسىبي، جوعارى بىلىكتى ساراپشىلار كىردى.

 ەستەرىڭىزگە سالا كەتسەك، «تۇمار»  ۇلتتىق تەليەۆيزيالىق بايگەسى قازاقستان رەسپۋبليكاسىنىڭ اقپارات جانە كوممۋنكياسيالار مينيسترلىگى تاراپىنان ەڭ ساپالى جانە ماڭىزدى تەليەۆيزيالىق مازمۇندى تاۋىپ، دارىپتەۋ ءۇشىن، تالانتتى پروفەسسيونالداردى قولداۋ جانە وتاندىق تەليەۆيزيانىڭ ساپالىق ستاندارتتارىن ارتتىرىپ، قازاقستاندىق تەليەۆيزيانىڭ دامۋىن قامتاماسىز ەتۋ ماقساتىندا قۇرىلعان بولاتىن.

بيىلعى جىلى بايگە ەكىنشى رەت وتكىزىلۋدە.