ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ۇكىمەتتىك ەمەس ۇيىمداردى پاللياتيۆتىك كومەك كورسەتۋ جانە حوسپيستەر جۇيەسىن دامىتۋعا شاقىردى. بۇل تۋرالى مينيستر ق ر ءدىن ىستەرى جانە ازاماتتىق قوعام مينيسترلىگى جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جونىندەگى ۇيلەستىرۋ كەڭەسىنىڭ كەزەكتى وتىرىسىندا مالىمدەدى.
نۇرلان ەرمەكبايەۆ VII ازاماتتىق فورۋمنىڭ ۇسىنىمدارىن ورىنداۋ شەڭبەرىندە مەملەكەتتىك ورگانداردىڭ ۇەۇ-مەن ءوزارا ءىس-قيمىل جاساۋى ءتۇرلى سالالاردا كەڭ اۋقىمدى ماسەلەلەردى قامتيتىنىن اتاپ ءوتتى.
«بۇل رەتتە، ءبىز حالىقتى الاڭداتاتىن وزەكتى ماسەلەلەرگە مونيتورينگ جۇرگىزىپ وتىرامىز جانە بىزگە ءتۇرلى وتىنىشتەر كەلىپ تۇسەدى. تۇرعىنداردىڭ كوپشىلىگى ۇكىمەتتىك ەمەس ۇيىمداردى پاللياتيۆتىك كومەك كورسەتۋ جانە حوسپيستەر جۇيەسىنىڭ دامىتۋعا بەلسەندى قاتىسۋى جونىنىدە تىلەك بىلدىرەدى. بۇل ءبىرىنشى كەزەكتە ونكولوگيالىق ناۋقاستارعا، قارت ادامدارعا قاتىستى كومەك»، - دەپ اتاپ ءوتتى نۇرلان ەرمەكبايەۆ.
ءمينيستردىڭ ايتۋىنشا، بۇگىنگى كۇنى ۋاكىلەتتى مەملەكەتتىك ورگان ەلىمىزدە ءتيىستى جۇمىستاردى جۇرگىزەدى، اتاپ ايتقاندا پاللياتيۆتىك مەديسينالىق كومەك كورسەتۋدى دامىتۋ بويىنشا قىسقا مەرزىمدى جول كارتاسىن ازىرلەگەن.
بۇل ورايدا، مينيستر مەملەكەتتىك ورگانداردى پاللياتيۆتىك كومەك كورسەتۋ، وڭىرلەردەگى حوسپيستەر جۇمىسىن دامىتۋ ءۇشىن ۇكىمەتتىك ەمەس ۇيىمداردىڭ الەۋەتىن پايدالانۋعا نازار اۋدارتتى.
ەستەرىڭىزگە سالا كەتەيىك، ۇكىمەتتىك ەمەس ۇيىمدارمەن ءوزارا ءىس-قيمىل جونىندەگى ۇيلەستىرۋ كەڭەسىنە قاتىسۋشىلار VII ازاماتتىق فورۋمىنىڭ ۇسىنىمدارىن جۇزەگە اسىرۋ، سونداي-اق ۇكىمەتتىك ەمەس ۇيىمداردىڭ جانە قوعامنىڭ سىبايلاس جەمقورلىققا قارسى مادەنيەتتى قالىپتاستىرۋداعى بەلسەندىلىگىن تالقىلاعان بولاتىن.
