قازاقستاندىق بيزنەسمەن، BI Group ءىرى قۇرىلىس كومپانياسىنىڭ باسشىسى ايدىن راحيمبايەۆ وڭتۇستىك قازاقستان وبلىسىنداعى جەتى جاسار بالاعا قاتىستى وقيعاعا ارالاستى.
«انا ءۇيى» قوعامدىق قورىنىڭ قامقورشىلىق كەڭەسىنىڭ ءتوراعاسى ايدىن راحيمبايەۆ مالىمدەگەندەي، انا مەن بالاعا ەشقانداي ءقاۋىپ ءتونىپ تۇرعان جوق، ولار ءقازىر كۇشەيتىلگەن كۇزەتپەن قورعالعان.
«ەندى بالا شىنىمەن دە ءقاۋىپسىز جەردە، اناسىمەن بىرگە ءبىزدىڭ «انا ۇيىندە» كۇشەيتىلگەن كۇزەتپەن قورعالعان! انا ءبىر ءتۇرلى ايەلدەن ارەڭ دەگەندە الىپ كەتتىك، استانادا وعان وقو پوليسەيلەرى كومەكتەسىپ، بالانى بەرمەي قويدى! ارۋجان سايىن جارادى!»، — دەپ جازدى بيزنەسمەن Facebook پاراقشاسىندا.
16 ناۋرىزدا بالالار ءىسى بويىنشا ۋاكىل زاعيپا بالييەۆا بۇرىن بايلانىسقا شىقپاعان بالانىڭ اناسى استاناعا كەلەدى دەپ حابارلادى. سول كۇنى كەشكىسىن ادۆوكات پەن جەتى جاسار بالانىڭ اناسى اجەسى مەن جەتكىنشەك ورنالاستىرىلعان «اسىل بالا» ورتالىعىنا بارادى. ادۆوكاتتىڭ ايتۋىنشا، اناسى بالاسىن الىپ كەتكىسى كەلگەن، ءبىراق ورتالىقتا جەتكىنشەكتى بەرمەي جاتقان كورىنەدى. كەيىنىرەك ول بالا مەن اناسىنىڭ قاۋىشقانىن جەتكىزدى.
