«سايران» اۆتوۆوكزالىنىڭ ماڭىنداعى قويۋ ءتۇتىن قالا تۇرعىندارىنىڭ زارەسىن ۇشىردى، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.
«سايرانداعى» بۋداقتاعان قويۋ قارا ءتۇتىن جول شەتىندە ورتەنگەن دۇڭگىرشەكتەن شىققان. وقيعا ورنىنا جەدەل جەتكەن ءورت سوندىرۋشىلەر ونى سوندىرگەن. «18 ناۋرىز كۇنى 12:06-دا الماتى تجد «101» پۋلتىنە اۋەزوۆ اۋدانى، تولە بي كوشەسىندەگى «سايران» اۆتوۆوكزالىنىڭ ماڭىندا تۇتانعان ءورت تۋرالى حابار ءتۇستى. 12:12-دە ءورت سوندىرۋشىلەر جەتىپ باردى.
10 شارشى مەتر اۋدانعا يە كيوسكى ورتەنگەن ەكەن. جالىن 12:15-تە اۋىزدىقتالىپ، 12:19-دا تولىقتاي ءسوندىرىلدى. گاز باللونى ەۆاكۋاسيالاندى. ەشكىم زارداپ شەككەن جوق»، - دەپ مالىمدەدى الماتى تجد رەسمي وكىلى ساندۋعاش بايمۇحامبەتوۆا.
