رەسەيدەگى پرەزيدەنت سايلاۋى بارلىعى شامامەن ءبىر تاۋلىككە — 22 ساعاتقا سوزىلدى دەپ جازادى ريا نوۆوستي. 

مالىمەتتەرگە سۇيەسەك، سايلاۋ كەزىندە ۆلاديمير پۋتين 76% داۋىس جينادى. ەكىنشى ورىندا كپرف ۇمىتكەرى پاۆەل گرۋدينين، سودان كەيىنگى ورىنعا لدپر ليدەرى ۆلاديمير جيرينوۆسكيي، ودان سوڭ كسەنيا سوبچاك جايعاستى. كالعان ۇمىتكەرلەر بىردە-بىر پايىز داۋىس جيناماعان.

ساعات تاڭعى 10-دا ماسكەۋدەگى سايلاۋ بيۋللەتەندەرى ارقىلى  17%،ساعات  12-دە — 35%، ساعات 3-تەردە — 50%، ساعات 6-دا —  60% ادام داۋىس بەرگەن. پروتوكولدىڭ 91% جاسالعاننان كەيىن 67%-دان اسا ادامنىڭ كەلگەنى بەلگىلى بولدى.  ەڭ بەلسەندى وڭىرلەر رەتىنە تىۆا، چۋكوتكا، كەمەروۆ وبلىسى، شەشەنستان جانە ت.ب اتالدى. سونىمەن بىرگە سانكت-پەتەربۋرگ پەن ماسكەۋ قالالارىندا دا حالىق سايلاۋعا بەلسەندى قاتىسقان.

سايلاۋدىڭ تەحنيكالىق جابدىقتالۋى جوعارى دارەجەدە وتكەن. تۇرعىنداردىڭ  80%-ى ارنايى  ۆيدەوباقىلاۋ ورناتىلعان سايلاۋ پۋنكتتەرىنەن داۋىس بەرگەن.

قىرىمدا پۋتين 92% ، سيەۆاستوپولدە 91% داۋىس جيناعان.

شەتەلدە جۇرگەن رەسەي ازاماتتارى ءۇشىن 400 ۋچاسكەلىك سايلاۋ پۋنكتتەرى ۇيىمداستىرىلدى.