22 ناۋرىزدا قازاقستاننىڭ 13 وڭىرىندە وزەن سۋى ارناسىنان تاسۋى مۇمكىن. بۇل تۋرالى «قازگيدرومەت» رمك-دان ءمالىم ەتتى، دەپ جازادى Qamshy.kz اقپارات اگەنتتىگى. 

اتاپ ايتقاندا، باتىس قازاقستان، اتىراۋ، اقتوبە وبلىستارىندا اۋا تەمپەراتۋراسىنىڭ كوتەرىلۋى مەن كۇتىلىپ وتىرعان جاۋىن-شاشىندارعا بايلانىستى وزەن دەڭگەيى كوتەرىلىپ، ارناسىنان تاسۋى مۇمكىن.

قاراعاندى، اقمولا، سولتۇستىك قازاقستان، قوستاناي جانە پاۆلودار وبلىستارىندا كۇندىز جاڭبىردىڭ جاۋۋىنا جانە تەمپەراتۋرانىڭ كوتەرىلۋىنە بايلانىستى  قاردىڭ ەرىگەن سۋى قالىپتاسادى، وزەندەر دەڭگەيى كوتەرىلىپ، ارنالارىنان تاسۋى ىقتيمال. شىعىس قازاقستان وبلىسىندا اۋا تەمپەراتۋراسى ءبىرقالىپتى كوتەرىلىپ، جەكەلەگەن جەرلەردە جاۋىن تۇسەدى. سالدارىنان وزەندەردە سەڭنىڭ ءجۇرۋى كۇشەيىپ، ارنالارىندا كەپتەلىستەر تۋىندايدى. 

وڭتۇستىك قازاقستان جانە قىزىلوردا وبلىستارىندا كۇتىلىپ وتىرعان جاڭبىرعا جانە تەمپەراتۋرانىڭ جىلىنۋىنا بايلانىستى وزەن دەڭگەيلەرى كوتەرىلىپ، ارنالارىنان تاسۋى مۇمكىن. الماتى جانە جامبىل وبلىسىنىڭ كەي جەرلەرىندە جاۋىن-شاشىندارعا وراي وزەندەردە سۋ دەڭگەيى كوتەرىلۋى ىقتيمال.